| Nummer:fal025a | Datum:24 aug. 1447 | Überlieferung:Afschrift | Fundstelle:F.A. Lewe, inv.nr. 0167, reg. 025 |
Wij Borgemeister unde Raedt in Groningen betugen
mit desen openen brieve dat wij alse vulmachtige
gekoorne overluide in der sake ende schelinge
tusschen Eggen Addingh op de eene sijdt ende
Meente van Westerwolde op de ander zijdt
als omme een Richter in voorgescreven lande toe
setten. Want Egge Borch seggende dat hie den
plechte te setten ender meente seggede sie
plegen den Richter toe setten welke schelinge
dese parte beider zoensluide geheelleden ende
muchten die soensluide nicht eens. So solde onse
Raedt ein overman in wesen als Eggen soensluden
Meester Johan Wicheringh proost tot Hinte ende
Evert Jarchs mede proost tot Farmsum.
Ende der meente soensluide Broeder Hindrick
Westerwoldingh, lezemester ende minnebroederen
in unsen stadt ende Elso van Loppersum
welcke voorscreven soensluide de sake nicht alle
eens an ons als an overluide brochten: also hebben
wij ons der sake geladen ende aen ons genhomen ende
na rede ende bescheede dat wij daertoe gehoort hebben
mit den soensluide voerscreven ene uitsprake
hijr van geformeert ende uitspreken. In dessen manieren
dat Eggo Borch ende sijn arffgenamen sollen eulicken ende
arfflicken des voorgenoemde lande enen richter setten. In
desen carspele 't weer een als Unstwedde en Flacht
wedde enen redelicken man die in den lande
geboren is de eigen arffet en van enen goeden
geruchte is. Ende die sall richter blijven so
lange als het Eggen unde der meenten tho samen
genoeget. Man wanneer Eggo offte der meente
de voorgenoemde richter nicht langer genoeget so
schal Eggo voorgenoemd ofte sijn arffgenamen de voorscre ven
meente enen anderen richter setten in den voorscreven
twe carspelen in alle mannieren als
voorscreven is. Ende wanneer eene parte die
richter nicht langer genoeget tho holden, so
schal Eggo vorgenoemd oder sijn arffgenamen einen anderen
setten als voor geroert is. Ende de voorgenoemde
richter te setten ende toe ontsetten sal men
holden deen ende vullen bringen tot euwigen dagen
ende na inholt ende uitwisinge deses breves
welke voorgenoemde segge ende uthsprake beide
voorscreven parten annemen stede vast ende onverbrooken
toe holden. Welckere elcke part de dat in
breken bij der poena van 200 olde fransche
schilde. Sunder argelist, intreck ende nie
vonden die desen briefs hindert ofte krenken
mochten. Dit oirkunden wij mit onse stadz
segel. Gegeven in den jhaere onses heeren
duisent veerhondert soven ende veertich op Sint
Bartholomeus dach doe Henrick Varoldus
Ottom Clant, Hinrick Cater ende Evert
Wichboldus borgemesteren weren onser stadt.
Hyr van te lesen
in Ubbone Emmii
de
Agro Frisiae f. 109.
mit desen openen brieve dat wij alse vulmachtige
gekoorne overluide in der sake ende schelinge
tusschen Eggen Addingh op de eene sijdt ende
Meente van Westerwolde op de ander zijdt
als omme een Richter in voorgescreven lande toe
setten. Want Egge Borch seggende dat hie den
plechte te setten ender meente seggede sie
plegen den Richter toe setten welke schelinge
dese parte beider zoensluide geheelleden ende
muchten die soensluide nicht eens. So solde onse
Raedt ein overman in wesen als Eggen soensluden
Meester Johan Wicheringh proost tot Hinte ende
Evert Jarchs mede proost tot Farmsum.
Ende der meente soensluide Broeder Hindrick
Westerwoldingh, lezemester ende minnebroederen
in unsen stadt ende Elso van Loppersum
welcke voorscreven soensluide de sake nicht alle
eens an ons als an overluide brochten: also hebben
wij ons der sake geladen ende aen ons genhomen ende
na rede ende bescheede dat wij daertoe gehoort hebben
mit den soensluide voerscreven ene uitsprake
hijr van geformeert ende uitspreken. In dessen manieren
dat Eggo Borch ende sijn arffgenamen sollen eulicken ende
arfflicken des voorgenoemde lande enen richter setten. In
desen carspele 't weer een als Unstwedde en Flacht
wedde enen redelicken man die in den lande
geboren is de eigen arffet en van enen goeden
geruchte is. Ende die sall richter blijven so
lange als het Eggen unde der meenten tho samen
genoeget. Man wanneer Eggo offte der meente
de voorgenoemde richter nicht langer genoeget so
schal Eggo voorgenoemd ofte sijn arffgenamen de voorscre ven
meente enen anderen richter setten in den voorscreven
twe carspelen in alle mannieren als
voorscreven is. Ende wanneer eene parte die
richter nicht langer genoeget tho holden, so
schal Eggo vorgenoemd oder sijn arffgenamen einen anderen
setten als voor geroert is. Ende de voorgenoemde
richter te setten ende toe ontsetten sal men
holden deen ende vullen bringen tot euwigen dagen
ende na inholt ende uitwisinge deses breves
welke voorgenoemde segge ende uthsprake beide
voorscreven parten annemen stede vast ende onverbrooken
toe holden. Welckere elcke part de dat in
breken bij der poena van 200 olde fransche
schilde. Sunder argelist, intreck ende nie
vonden die desen briefs hindert ofte krenken
mochten. Dit oirkunden wij mit onse stadz
segel. Gegeven in den jhaere onses heeren
duisent veerhondert soven ende veertich op Sint
Bartholomeus dach doe Henrick Varoldus
Ottom Clant, Hinrick Cater ende Evert
Wichboldus borgemesteren weren onser stadt.
Hyr van te lesen
in Ubbone Emmii
de
Agro Frisiae f. 109.
x
| Archiv | Groninger Archieven |
|---|---|
| Bestand | F.A. Lewe |
| Zugangsnummer | 547 |
| Inventarnr. | 0167 |
| Regestnr. | 025 |
| Jahr | 1447 |
| Datumcode | Bartho |