| Nummer:fal028 | Datum: | Überlieferung:Origineel | Fundstelle:F.A. Lewe, inv.nr. 0919, reg. 028 |
Wy borgermestere ende Raed in Groningen betugen myt dessen openen breve dat voer ons is gekomen Rode Johan Arytssoen de muller
ende bekande voer em ende sine erffgenamen dat hie hevet verkofft upgedragen ende overgegeven Gheert Putman ende sinen erffgenamen
twe overlandsche golden rinssche gulden rente voer datum dessen breves gemuntet offte payment dat daer guet voer is Jaerlix
te boren alze stad recht is uut Johans vorscr. mole gelegen buten Heerstrate poerte andie wester zyd vander strate upder molen
barge die Johan vorscr. van Hiele Huginge gekofft hevet ende mit sinen huuse byder vorscr. mole gelegen ende voert over alle syne
guede repplyck ende onrepplyck woe offte waer die gelegen sint vry ende quyt ewliken ende erffliken to bruken ende to besitten
voer ene summe geldes die Johan vorscr. bekande dat em vull ende all is betaelt Hiir is togesproken dat Johan vorscr. offte
sine erffgenamen desse vorscr. rente mogen aff ende quyt kopen tendes Gheerts vorscr. ende Ghebben synre huusfrouwen dode ende als
sie afflivich sint geworden wanneer em des genoget ende nicht eer als zych belopet myt hundert rinsschen guldene sess
rinssche gulden rente aff te kopen vorscr. payments sunder argelist Dat Orkonde wy myt onser stad zegell Ghegeven inden
jaer ons Heren dusent vierhundert sovenendevyfftich des wondesdages inden vastAvent Doe Henric Baroldes Otto Clant
Otto ter Hanzow ende Gosen van Dulk borgermestere waeren onser Stad.
ende bekande voer em ende sine erffgenamen dat hie hevet verkofft upgedragen ende overgegeven Gheert Putman ende sinen erffgenamen
twe overlandsche golden rinssche gulden rente voer datum dessen breves gemuntet offte payment dat daer guet voer is Jaerlix
te boren alze stad recht is uut Johans vorscr. mole gelegen buten Heerstrate poerte andie wester zyd vander strate upder molen
barge die Johan vorscr. van Hiele Huginge gekofft hevet ende mit sinen huuse byder vorscr. mole gelegen ende voert over alle syne
guede repplyck ende onrepplyck woe offte waer die gelegen sint vry ende quyt ewliken ende erffliken to bruken ende to besitten
voer ene summe geldes die Johan vorscr. bekande dat em vull ende all is betaelt Hiir is togesproken dat Johan vorscr. offte
sine erffgenamen desse vorscr. rente mogen aff ende quyt kopen tendes Gheerts vorscr. ende Ghebben synre huusfrouwen dode ende als
sie afflivich sint geworden wanneer em des genoget ende nicht eer als zych belopet myt hundert rinsschen guldene sess
rinssche gulden rente aff te kopen vorscr. payments sunder argelist Dat Orkonde wy myt onser stad zegell Ghegeven inden
jaer ons Heren dusent vierhundert sovenendevyfftich des wondesdages inden vastAvent Doe Henric Baroldes Otto Clant
Otto ter Hanzow ende Gosen van Dulk borgermestere waeren onser Stad.
x
| Archiv | Groninger Archieven |
|---|---|
| Bestand | F.A. Lewe |
| Zugangsnummer | 547 |
| Inventarnr. | 0919 |
| Regestnr. | 028 |
| Register Feith | 1457.028 |
| Jahr | 1457 |
| Datumcode | EpVastav |