| Nummer:fal030 | Datum: | Überlieferung:Afschrift | Fundstelle:F.A. Lewe, inv.nr. 0607, reg. 030 |
Ick Egge Addings van Westerwolde do kund Als myne olderen, vorfaeren unde ic unde de gemeijnen Raidmanne undersaten unde inwonners des alin
gen landes to Westerwolde wonafftich in vyff kerspelen nabeschreven Als Unswede, Vlachtwedde, Wedde, Sellinge unde Loe unde dat sulve landt to Westerwolde vurscr.
lange mannige iar her under bewaringe unde bescherminge der Erwerdigen fursten unde heren Bisscoppen to Munster myt mer anderen loffden togedan unde vorbunden
gewest hebben unde noch sint na lude der breve ertijds unde nu darup gegeven. Also bekenne ick Egge vurscr. dat ich umb sodaner vurscr. todanicheit unde sun
derlinger leffde willen ich hebbe to den Erwerdigen hogebornen fursten unde heren, heren Johanne Bisscoppe to Munster phaltzgreven bij Rijne unde hertogen in
Beyeren mijnen genedigem leven heren, mij vor mij unde myne erven to den vurscr. mijnen genedigen leven heren syner kercken nakomelingen unde gestichte van
Munster unde under erer genaden beschermynge undersateschap unde tobehoringe und vort in alle unde itlicke puncte der breve tusschen mijnen genedigen
leven heren, synen vorfaeren mijnen olderen unde vorfaeren unde den lande to Westerwolde vurscr. vorsegelt Gegeven hebben unde geve zvermits dessen breve dar bij
unde gude getruwe undersaten mijns genedigen leven heren syner kercken nakomelinge unde gestichtes vurscr. to wesende unde to blivende to ewigen tijden gelijck
andere ere undersaten. Ock bekenne ick dat ick baven alsodane rechticheit als myn genedige here vurscr. syne vorfaeren unde gestichte alrede hebben an den Slotte
to Wedde, dat sulve Slote myt alle syner tobehoringe, den guden heren sunte Pauwel, mynen genedigen heren synen nakomelingen unde gestichte van Munster
vurscr. nu myt guden vrijen willen unbedwungen ingegeven unde gedan hebbe, ingeve unde do avermits desen breve dat erer genaden to syne unde to gebrukende
gelijck anderen eres gestichtes van Munster egenen Slotten, unde dar up unde van Ryden, komen unde dar syn mogen, wanner en gelevet sunder myne unde myner
erven kost, doch also dat ich unde myne erven des vurscr. Slottes erer genaden Amptlude syn unde bliven unde van erer wegen vorwaren sollen. Mer alle
der Renthen unde tobehoringen des Slottes vurscr. mogen ick unde myne erven bruken to unssen besten sunder enige upslach off Rekenschop eren genaden
dar van te dorven don, utgesacht er honre gulde unde en sullen ock dat vurscr. slot behalver noetbou an daken, wenden off der gelyken nicht tymmeren
off besten buten erer genaden willen unde raede. Hyr up heb ick den vurscr. mynen genedigen leven heren van Munster syner kercken unde gestichte huldinge
unde eede gedan den guden sunte Pauwel mynen genedeigen heren syner kercken nakomelingen unde gestichte vurscr. getruwe unde holt to syne er beste to
done unde argeste to kerende na al myner macht als eyn gud getruwe Amptman unde undersate synen heren schuldich is sunder al Argelist. In allen und
itlicken puncten vurscr. gensligen utgesprocken unde hebb des to tuge mijn Segel vor mij unde mijne erven an desen breff gehangen Gegeven
in den iare unsses heren dusentveirhundertnegenundevifftich des Sundages na unsser leven vrouwen daghe Assumpcionis.
gen landes to Westerwolde wonafftich in vyff kerspelen nabeschreven Als Unswede, Vlachtwedde, Wedde, Sellinge unde Loe unde dat sulve landt to Westerwolde vurscr.
lange mannige iar her under bewaringe unde bescherminge der Erwerdigen fursten unde heren Bisscoppen to Munster myt mer anderen loffden togedan unde vorbunden
gewest hebben unde noch sint na lude der breve ertijds unde nu darup gegeven. Also bekenne ick Egge vurscr. dat ich umb sodaner vurscr. todanicheit unde sun
derlinger leffde willen ich hebbe to den Erwerdigen hogebornen fursten unde heren, heren Johanne Bisscoppe to Munster phaltzgreven bij Rijne unde hertogen in
Beyeren mijnen genedigem leven heren, mij vor mij unde myne erven to den vurscr. mijnen genedigen leven heren syner kercken nakomelingen unde gestichte van
Munster unde under erer genaden beschermynge undersateschap unde tobehoringe und vort in alle unde itlicke puncte der breve tusschen mijnen genedigen
leven heren, synen vorfaeren mijnen olderen unde vorfaeren unde den lande to Westerwolde vurscr. vorsegelt Gegeven hebben unde geve zvermits dessen breve dar bij
unde gude getruwe undersaten mijns genedigen leven heren syner kercken nakomelinge unde gestichtes vurscr. to wesende unde to blivende to ewigen tijden gelijck
andere ere undersaten. Ock bekenne ick dat ick baven alsodane rechticheit als myn genedige here vurscr. syne vorfaeren unde gestichte alrede hebben an den Slotte
to Wedde, dat sulve Slote myt alle syner tobehoringe, den guden heren sunte Pauwel, mynen genedigen heren synen nakomelingen unde gestichte van Munster
vurscr. nu myt guden vrijen willen unbedwungen ingegeven unde gedan hebbe, ingeve unde do avermits desen breve dat erer genaden to syne unde to gebrukende
gelijck anderen eres gestichtes van Munster egenen Slotten, unde dar up unde van Ryden, komen unde dar syn mogen, wanner en gelevet sunder myne unde myner
erven kost, doch also dat ich unde myne erven des vurscr. Slottes erer genaden Amptlude syn unde bliven unde van erer wegen vorwaren sollen. Mer alle
der Renthen unde tobehoringen des Slottes vurscr. mogen ick unde myne erven bruken to unssen besten sunder enige upslach off Rekenschop eren genaden
dar van te dorven don, utgesacht er honre gulde unde en sullen ock dat vurscr. slot behalver noetbou an daken, wenden off der gelyken nicht tymmeren
off besten buten erer genaden willen unde raede. Hyr up heb ick den vurscr. mynen genedigen leven heren van Munster syner kercken unde gestichte huldinge
unde eede gedan den guden sunte Pauwel mynen genedeigen heren syner kercken nakomelingen unde gestichte vurscr. getruwe unde holt to syne er beste to
done unde argeste to kerende na al myner macht als eyn gud getruwe Amptman unde undersate synen heren schuldich is sunder al Argelist. In allen und
itlicken puncten vurscr. gensligen utgesprocken unde hebb des to tuge mijn Segel vor mij unde mijne erven an desen breff gehangen Gegeven
in den iare unsses heren dusentveirhundertnegenundevifftich des Sundages na unsser leven vrouwen daghe Assumpcionis.
x
| Archiv | Groninger Archieven |
|---|---|
| Bestand | F.A. Lewe |
| Zugangsnummer | 547 |
| Inventarnr. | 0607 |
| Regestnr. | 030 |
| Register Feith | 1459.018 |
| Jahr | 1459 |
| Datumcode | DpAssMar |