| Nummer:fali881 | Datum:17 okt. 1572 | Überlieferung:Origineel | Fundstelle:F.A. Lewe, inv.nr. 0881 |
Wy heer Johan Rickman Vicarius ende Capellaen der kercken Sunth Merthen voirstender des Convents Geistlike mageden bynnen Groningenn
Suster Abele Barolts matersche, suster Wobbe then Bussche Procuratersche suster Alheit Derrickes suster Henrick Johans ende suster Bele Jansens
senioirschen myt unsen gemeinen conventualen then geistliken Mageden voirgeschreven an de eine sith ende Wilto Rolteman an de ander sith
bekennen unde betuigen in ende vermijts dossen unsen openen voir segelten breve, voir uns unse nakomelynge ende erfgenamen dat wy dorch consent
des hoichwerdigen vermoigenden hern, hern Johan Knyff eirste Byscop tho Groningen unde des Gestrenghen Edelen hoichwisen hern Johan de
Meppesche Ridder Con. Maith. raidt ende Luitenante der stadt ende Umlanden van Groningen etc, eine stede vaste unwedderroiplike ewighe
erfwesselynge van Landen myt malcanderen ingegaen und gemaket hebben in maern als hirna volget Inden eirsten sall de Eibar Wiltho
Roltheman voirgeschreven voir hem sulffst ende syne eirffgenamen in eine eirffwesselynge van den Convent then Geistliken mageden voirgen.
entfangen hebben ende beholden viff grasen landes gelegen to Nordick in dath Goerecht van Selwart int oisten an dat Olde Maer daer die Heer
wech int oisten, Wilto Rolteman voirgen. sulffst int Norden ende salighe doctor Johan Sickingha erffgenamen int zuiden nast an geswettet synnen
so groit unde kleyn als desulffde viff grasen aldaer gelegen moigen wesen Ende dar tho sess grasen landes so groit und kleyn als die oick
aldaer tho Nordike in twe stucken gelegen synnen, daer by dat eine stucke van dre graiss salige Doctor Johan Sickingha erfgenamen upt
zuiden, de Heerwech upt Norden ende dat convent van geistliker mageden over den dwersdick upt oisten naest geswettet synnen, ende by dat ander
stucke van dre grasen synnen geswettet die Erber Mello Broirsema ende de kercke tho Nordick tosamen myt viff grasen upt suiden, die Heerwech
upt westen ende doctor Sickingha (mildergedechtnis) erfgenamen upt Norden. Hir entegen sall dat convent van geistliken meigeden voirgen. voir
hoer ende horen nakomelynghen in einen arffwessell entfangen hebben ende beholden viff grasen landes, so groit und kleyn als de nhu van veer
ende twintich grasen den Erbarn Wilto Roltman thobehoirende affgemeten end affgegraven synnen, gelegen int norden
van den Heerwech daer
die dwersdick int oisten gelegen, mede voir lant ingemeten is, daer zalige junge Ulgers erfgenamen myt hoer adherenten int Norden ende zalighe
Batholt Conrades erffgenamen over den Dwersdick int oisten naest geswettet synnen. Daertho noch viff grasen landes oick to Nordick gelegen
in eine venne van tein grasen unverscheiden daer Claes Berryls nhu de ander viff grasen van tobehoiren, so groit unde kleyn als desulffde viff grasen
gelegen moigen wesen, daer dat Convent upt suiden van Schermer Nordixster kerkwech upt westen, die geistlike mageden sulffst upt Noirdenn
ende die Borch upt oisten naest geswettet synnen, desse voirgeschreven landen loyven wy voirgeschreven parten voir uns unde unsen nakomelyngen
ende erffgenamen malcanderen tho beiden syden vrig ende quidt erffliken sunder enige beswaringen ende anspraken tho levern, waren
unde holden daer van wy malkandern stoicklegginge gedaen hebben na Landrecht in tegenwordicheit van udergeschreven seven buren
eigeneirfden der Erbarn unde fromen Bernt Rutens, Peter Sickinghe, Evert Eels, Popko Uffkens, Albert Eelts, Jacob Jansenn
und Jarell Jansen getuigen Daer wy dosser twe breven gelick up voir ellyken ein gemaket hebben unde die eine pert des andern breiff, myt
synen gewontliken zegell in oirkunde der warheit bevestiget. Des ick Wilto Roltman myt mynen angeborn zegell hirunder angehan (sic) voir
dat Convent van Geistlike maigeden betuige, unde thot mher bundicheit unser partien voir soickshalven van gedachte hern hern Johan Knyff
Byscop unde hern Johan de Meppesche Liutenanten sulx mede myt eren gewontliken zegelen bestediget unde bevestiget. Des wy Johan Knyff
Byscop und Johan de Meppesehe luitenante bedehalven ungeweigert gedaen hebben Gescheen und gegeven int jaer tsoventich twee des
soventynden der monair octobrys.
DORSO : Voir geistlike mageden.
ZEGELS : OC licht beschadigd.
Bisschop een derde beschadigd. de Mepsche compleet.
Suster Abele Barolts matersche, suster Wobbe then Bussche Procuratersche suster Alheit Derrickes suster Henrick Johans ende suster Bele Jansens
senioirschen myt unsen gemeinen conventualen then geistliken Mageden voirgeschreven an de eine sith ende Wilto Rolteman an de ander sith
bekennen unde betuigen in ende vermijts dossen unsen openen voir segelten breve, voir uns unse nakomelynge ende erfgenamen dat wy dorch consent
des hoichwerdigen vermoigenden hern, hern Johan Knyff eirste Byscop tho Groningen unde des Gestrenghen Edelen hoichwisen hern Johan de
Meppesche Ridder Con. Maith. raidt ende Luitenante der stadt ende Umlanden van Groningen etc, eine stede vaste unwedderroiplike ewighe
erfwesselynge van Landen myt malcanderen ingegaen und gemaket hebben in maern als hirna volget Inden eirsten sall de Eibar Wiltho
Roltheman voirgeschreven voir hem sulffst ende syne eirffgenamen in eine eirffwesselynge van den Convent then Geistliken mageden voirgen.
entfangen hebben ende beholden viff grasen landes gelegen to Nordick in dath Goerecht van Selwart int oisten an dat Olde Maer daer die Heer
wech int oisten, Wilto Rolteman voirgen. sulffst int Norden ende salighe doctor Johan Sickingha erffgenamen int zuiden nast an geswettet synnen
so groit unde kleyn als desulffde viff grasen aldaer gelegen moigen wesen Ende dar tho sess grasen landes so groit und kleyn als die oick
aldaer tho Nordike in twe stucken gelegen synnen, daer by dat eine stucke van dre graiss salige Doctor Johan Sickingha erfgenamen upt
zuiden, de Heerwech upt Norden ende dat convent van geistliker mageden over den dwersdick upt oisten naest geswettet synnen, ende by dat ander
stucke van dre grasen synnen geswettet die Erber Mello Broirsema ende de kercke tho Nordick tosamen myt viff grasen upt suiden, die Heerwech
upt westen ende doctor Sickingha (mildergedechtnis) erfgenamen upt Norden. Hir entegen sall dat convent van geistliken meigeden voirgen. voir
hoer ende horen nakomelynghen in einen arffwessell entfangen hebben ende beholden viff grasen landes, so groit und kleyn als de nhu van veer
ende twintich grasen den Erbarn Wilto Roltman thobehoirende affgemeten end affgegraven synnen, gelegen int norden
van den Heerwech daer
die dwersdick int oisten gelegen, mede voir lant ingemeten is, daer zalige junge Ulgers erfgenamen myt hoer adherenten int Norden ende zalighe
Batholt Conrades erffgenamen over den Dwersdick int oisten naest geswettet synnen. Daertho noch viff grasen landes oick to Nordick gelegen
in eine venne van tein grasen unverscheiden daer Claes Berryls nhu de ander viff grasen van tobehoiren, so groit unde kleyn als desulffde viff grasen
gelegen moigen wesen, daer dat Convent upt suiden van Schermer Nordixster kerkwech upt westen, die geistlike mageden sulffst upt Noirdenn
ende die Borch upt oisten naest geswettet synnen, desse voirgeschreven landen loyven wy voirgeschreven parten voir uns unde unsen nakomelyngen
ende erffgenamen malcanderen tho beiden syden vrig ende quidt erffliken sunder enige beswaringen ende anspraken tho levern, waren
unde holden daer van wy malkandern stoicklegginge gedaen hebben na Landrecht in tegenwordicheit van udergeschreven seven buren
eigeneirfden der Erbarn unde fromen Bernt Rutens, Peter Sickinghe, Evert Eels, Popko Uffkens, Albert Eelts, Jacob Jansenn
und Jarell Jansen getuigen Daer wy dosser twe breven gelick up voir ellyken ein gemaket hebben unde die eine pert des andern breiff, myt
synen gewontliken zegell in oirkunde der warheit bevestiget. Des ick Wilto Roltman myt mynen angeborn zegell hirunder angehan (sic) voir
dat Convent van Geistlike maigeden betuige, unde thot mher bundicheit unser partien voir soickshalven van gedachte hern hern Johan Knyff
Byscop unde hern Johan de Meppesche Liutenanten sulx mede myt eren gewontliken zegelen bestediget unde bevestiget. Des wy Johan Knyff
Byscop und Johan de Meppesehe luitenante bedehalven ungeweigert gedaen hebben Gescheen und gegeven int jaer tsoventich twee des
soventynden der monair octobrys.
DORSO : Voir geistlike mageden.
ZEGELS : OC licht beschadigd.
Bisschop een derde beschadigd. de Mepsche compleet.
x
| Archiv | Groninger Archieven |
|---|---|
| Bestand | F.A. Lewe |
| Zugangsnummer | 547 |
| Inventarnr. | 0881 |
| Register Feith | 1572.103 |
| Jahr | 1572 |
| Datumcode | 1710 |