Ick Ludgerus Wesseli, custos indertijdt toe Vledorp,
doe kundt, ende bekenne, in und voermitz jegenwertige
certificationschrift, woe ick hebbe ontfangen van den
erbaeren Abell Westerhusen, als redger ende colla-
tor des carspels Vledorp indertijdt, ene melckekoe,
die weerde van achtein emder gulden, tot verbeteronge, ende
onderholdinge des costersampt, alsoe toe verstaen dat
die sulvighe koe, een iseren koe, sal gheestimeert, ende
gheachtet worden, tot profijt dengenigen, die des coster[s]-
ampt bedient, walverstaende nochtans dat die sulvige
alsoe is anghenoemen ende ghekoft van den erb. Abell
Westerhusen mit consent der kerkvoegheden, als Johan
Wallens ende Aelko Jansen indertijdt, voer zekere rente
d'welcke die kercke tho Vledorp up der erbare Abell
Westerhusen landen toe Vledorp staende hadde, noemp-
licken, jaerlijckes een emder gulden ende daermit die
jaerlijcke rente affgekoft ende daerna die landen ghe-
vrijet, ingevalle oeck die voerstanderen van der kercke, toe
Vledorp tot enighen tijden die sulvige jaerlicke renten legh-
den wederom in voertganck t'hebben ende daer jaerlijckes
wederom uuth thoe maenen, sall die kercke ofte die voerstan-
deren gheholden sijn die erb. Abell Westerhusen ofte
sijne erffgenaemen, die voergeroerte summa van pennonghen
wederom restitueren, vuldoen ende betaelen, vrij schaedeloes gelt.
Allent sunder arch unde list. In orkunde van dessen
hebbe wij onse naemen hironder up spatium ghesⁿ. anno
vijffteinhundert vijffendetzoeventich, up der eersten au-
gusti.
[handtekening:] Aylke Yansen, mijn hant,
[handtekening:] Jan Wallens, mijn handt,
[handtekening:] Ludgher Wessel, mijn hant

x

x

Archiv	Groninger Archieven
Bestand	F.A. Lewe
Zugangsnummer	547
Inventarnr.	0928
Register Feith	1575.065
Jahr	1575
Datumcode	0108

x

x

Material	papier