Alle de genen de desse tegenwoerdigen breeff sullen
sien, wij raedheren in Groningen willen wesen
bekand ende bekennen dat wij hebben verkofft
Sybrande vrouwen Hildegardeszoene, een ruem
ofte erve upt oeste van sinen steenhuse bij
den markede, twaleff garde voeten breit, de
druppe stede daer en buten blivende voer
ene summe geldes de uns vull ende al is betalt
ende wij hebben de selven Sibrande ende sinen na-
komelingen dat vorg. ruem offte erve vrij
ende quyet upgedragen ende overgegeven mit
allen rechte ende egendoeme ewliken to brukende
umme up to tymmeren na sinen vrijen willen.
Item de doere ende vensteren vallende to den markede
ende oeck vanden boene tegens dat zueden mogen
se maken up den selven erve ofte ruem ende tym-
mer dat wij em vrij so toe gelaten hebben. Dat
oerkonde wij myt onse stad zegel tegenwoer-
dich gegeven inden jaer ons heren dusent
driehundert ende soeventyne up Sunte Nycolaus-
dach bisscop, do Barwolt Kalmer, Ludelof
Bund[?], Gheert Sickinghe ende Berent van Sloch-
teren vier redelike mans onser stad weren
des selven vors. jaers.

x

x

Archiv	Groninger Archieven
Bestand	F.A. Sickinghe
Zugangsnummer	572
Inventarnr.	0002
Register Feith	1317.003
Jahr	1317
Datumcode	Nicola

x

x