Wy Borghermestere ende Raedt yn Groenynghen betueghen myt desen openen breve dat vor ons ys ghekomen Cornelius
Harmsen salighen Geert van Lynghe naeghelaten huesfrow vor sych ende van weghen hoirs kyndes daer sie
vor lovede tstaen ende bekanden wo Roloff Berents hoer vull ende all betaelt ende vornoicht hebbe sodanen doet deel
ende ghestorten bloet gheldt als de selve Roloff schuldich was van den nederslaghe salighe Geerdt van Lyngen daer
he de handtdadighe van ys ghewest. Daer up Cornelius vor sych ende van weghen hoers kyndes voirgen. oeck vor
hem hoeren arffgenamen vrenden ende maeghen gheboeren ende ungeboern scheldet vry ende quydt Roloff vorgen.
syne arffgenamen, vrunden ende maeghen gheboeren ende ungeboern van alsulcke schuldt doet deels ende ghestor
bloets als vorscr. ys hefft oick vorder Roleve vorgen. vrede thoghestaen dair ghene meer ansprake myt
ghenen rechten up thebben noch beholden. Oeck hem puerliken um ghodes wyllen van sodanen nederslach ende
ghestorten bloet vry ende quydt ghescholden. Sunder arghelist. Dat oerkunde wy myt unsen Stadt Secreet
Gegeven inden jaer unses heren Dusent viffhundert een ende veertich maendaegen na den Sondach
Cantare.

x

x

Archiv	Drents Archief
Bestand	Collectie Gratama
Zugangsnummer	583
Inventarnr.	0122
Jahr	1541
Datumcode	LpCantat

x