| Nummer:gus0034 | Datum:22. April 1461 | Überlieferung:Original | Fundstelle:Rep. 1 (Große Urkundensammlung), inv.nr. 0034 |
Der päpstliche Pönitentiar entbindet den Junker Ulrich Cirksena, den Häuptling Sibo Attena und Poppo in Pewsum von dem der Stadt Hamburg geleisteten Eide.
Venerabili in Christo patri Dei gratia archiepiscopo Brernensi, vel eius vicario in spiritualibus, Philippus miseratione divina tituli sancti Lattrencii in Lucina presbyter cardinalis, salutem et sinceram in Domino caritatem. Ex parte nobilium Ulrici Tzyerza, capitanei in Oestfrisia, et Sibodi in Esensem, ac Poptati in Pewesum, eiusdem Ulrici nepotum, laicorum vestre diocesis, nuper oblata petitio continebat, quod olim ipse Ulricus dito castra, Emede et Leerort vulgariter nuncupata, in diocesi Monasteriensi consistencia, quorum fundus unius ratione dotis uxoris ipsius Ulrici et due partes de tribus alterius castrorum eorundem cum ipsorum pertinenciis ad prefatum Ulricum legitime spectant et pertinent, iam dudum per consulatum opidi Hamburgensis dicte diocesis per vim et violenciam detenta et occupata, sub certis modis et condicionibus tune appo sitis de manibus consulatus huiusmodi habuit et recepit, ad hoc ut ipsa castra de consensu eorundem consulatus per spacium certorum annorum tunc expressorum teneret et gubernaret, ipsique Ulricus et nepotes tunc promiserunt et iurarunt, et quilibet eorum promisit et iuravit, quod elapsis annis huiusmodi, dictus Ulricus prefata castra consulatui huiusmodi redderet et restitueret. Cum autem iidem consulatus dicta inter eos inita condiciones et pacta observare indebite recusaverint et recusent in ipsius Ulrici maximum preiudicium, dampnum et gravamen, et propterea ipse Ulricus super retencione castrorum eorundem ac iuribus suis sibi in ipsis castris legitime pertinentibus ut prefertur contra consulatum huiusmodi iusticia mediante agere intendat, et stante et obstante iuramento predicto hoc licite facere non possit, supplicari fecerunt humiliter iidem Ulricus et nepotes sibi super hiis per sedem apostolicam de oportuno remedio misericorditer provideri. Nos igitur auctoritate domini pape, cuius primarie curam gerimus, et de eius speciali mandato super hoc vive vocis oraculo nobis facto, circumspectioni vestre committimus, quatinus, si est ita, eisdem Ulrico et nepotibus exponentibus, iniuncta inde eorum cuilibet a temeritate iurandi, previa pro modo culpe prima salutari iuramentum ipsum quo ad effectum agendi duntaxat relaxetis, et deinde nuncietis ipsos Ulricum et nepotes exponentes quo ad dictum effectum agendi tantum ad observanciam huiusmodi iuramenti minime teneri. Datum Rome apud sanctum Petrum sub sigillo officii primarie, X kalendas Maii, pontificatus domini Pii pape secundi anno tertio.[*]
x
| Archiv | NStA |
|---|---|
| Bestand | Rep. 1 (Große Urkundensammlung) |
| Zugangsnummer | R001 |
| Inventarnr. | 0034 |
| Jahr | 1461 |
| Datumcode | 10KalMai |