| Nummer:gus0108 | Datum:24. Febr. 1499 | Überlieferung:Original | Fundstelle:Rep. 1 (Große Urkundensammlung), inv.nr. 0108 |
Quittung der Stadt Groningen für den Grafen Edzard I. von Ostfriesland über 2000 Gulden.
Wy borgermeister ende raedt der stad Groningen bekennen ende doen kunt myt dessen openen breve, dat wy up datum des brieffs heben ontfangen van den ersamen meyster Dirck Valke, pastor to Lerrelte ende provest to Leeher, twedusent Lubesche marck an Eemder golden guldenen van wegen des edelen walgebornen heren, heren Edzart, greven to Oestfreeslandt, ende sinen broderen, tot behoeff des rades van Hamborch van termynen den rade van Hamborch vor- schenen waren, als van den jaren van soven endetnegentich ende acht endetnegentich naest vorleden, ende schelden daerup vry ende quyd van wegen des rades van Hamborch den vorscr. walgebornen heren greven ende broder van de vorscr. twedusent marken, ons de betalinge van gescheen is als vorscr. is, inde den rade van Hamborch vorscr. an den paymente als vorscr. is genoget. Des tot orkunde heben wy onser stad secreetsegel an dessen brieff gehangen. Ghegeven in den jaer ons Heren dusent veerhundert negen endetnegentich, up sunte Mathias avent apostoli.
x
| Archiv | NStA |
|---|---|
| Bestand | Rep. 1 (Große Urkundensammlung) |
| Zugangsnummer | R001 |
| Inventarnr. | 0108 |
| Jahr | 1499 |
| Datumcode | vMatthi |