| Nummer:gus0111 | Datum:8. Okt. 1499 | Überlieferung:Original | Fundstelle:Rep. 1 (Große Urkundensammlung), inv.nr. 0111 |
Herzog Albrecht zu Sachsen verpfändet den Grafen Edzard I. und Uko von Ostfriesland Appingedam für 9000 Gulden.
Wir Albrecht, von Gots gnaden hertzog zu Sachsen ..., bekennen ... das wir ... hern Edzart und hern Hugen, gebrudern, graffen zcu Oistfriesslanndt, iren erben, schuldig worden synt von underhaldung des Dhams und anders, alle branntscatzung und ghevengkenisse mit ingesclossen, die summa benantlich neuntausent goltgulden, welche summa wir ghereth und versprochen haben, geredet, und versprechen auch hie mit diesem brieff fur uns, unser erben und nachkumen dem voirgescriben herrn Edzart und herrn Hugen, iren erben und nachkumen, woll und tugentlich zcu bezallen an allen iren schaden, und alledieweill wir oder unnser erben und nachkumen die voirgescriben summa, benantlich neuntausent goltgulden, nit bezalten, so sollen die vurgescriben herrn, heer Edzart und heer Hugo, ire erben und nachkamen, den Dham und die umblanden von der Emisse auf Groniger dieffe und hafen in iren hannden behalten so lanng unnd biss zur zeit zcu, das sy ganntzlich und volkomentlich von unns bezalt unnd vorgnugt sein, alles getrewlich unnd ungeverlich. zcu urkundt haben wir unnser ingesiegel unthen an dissen brieff wissentlich thun hengken. Der gegeben ist zu Leowartten, auff den achten tag des manets Octobris, anno etc, in dem neun und neuntzigsten jare.
x
| Archiv | NStA |
|---|---|
| Bestand | Rep. 1 (Große Urkundensammlung) |
| Zugangsnummer | R001 |
| Inventarnr. | 0111 |
| Jahr | 1499 |
| Datumcode | 0810 |