| Nummer:gus0428 | Datum:12. Nov. 1483 | Überlieferung:Original | Fundstelle:Rep. 1 (Große Urkundensammlung), inv.nr. 0428 |
Keno von Loquard verkauft Hero von Dornum Land in Loquard.
Ich Keno, to Loekwerden unde in dem Hamme hovetling, bekenne vor mi unde minen rechten erffnamen unde alsweme, dat ick van dem erbarn unde ghestrengen ritter Hero van Dornum, to Esense, Stestorpe, Witmunde ritter[*], hundert Rinsche gulden an goelde, de mi her Memme, kerchere to Grimessum, unde her Everd, vicarius to Kompum, hebben ghebracht, entfangen hebbe, des ich Keno dessem vorg. hern Hero 17 graese landes, ghelegen twisschen Meerwegeshoerne unde Maetenwech, in Loeckwerder hammerke, de na upp datum desses breves Poppo murmester in der hure hefft unde brukende is, vor desse hundert Rinsen gulden to enen underpande sette unde averlaethe; mit sodanen beschede, dat her Hero ritter de jarlykes hure van den 17 graesen landen schal unde mach uppboeren went so langhe em van mi offte minen erffnamen de hundert Rinse golden gulden an golde zind vornoget, unde denne de hure vor de 17 graese landen in dessen summen der hundert Rinsen gulden nicht aff to rekende; ok wert sake desse vorg. 17 graese landes to k(ope) werden, so lave ich Keno vor mi unde minen erffnamen in dessem breve, dat de vorgenanten her Hero ritter de erste unde negeste desset vorg. erve to kopende wesen schall sunder min unde miner erffnamen inseggent offte wedder(sprake) ... unde merer tuchnisse ... hebben wy Keno hovetling, ... Everd vicarius ... ingesegele beneden uppet spacium deses (breves heten) drucken. Ghegheven na der bord Christi dusent veerhundert im LX ... III.[*] jare, des andern dages na Martini episcopi.
x
| Archiv | NStA |
|---|---|
| Bestand | Rep. 1 (Große Urkundensammlung) |
| Zugangsnummer | R001 |
| Inventarnr. | 0428 |
| Jahr | 1483 |
| Datumcode | cMartin |