| Nummer:gus0746 | Datum:29. Mai 1435 | Überlieferung:Original | Fundstelle:Rep. 1 (Große Urkundensammlung), inv.nr. 0746 |
Die Kirchengemeinde Cirkwehrum verkauft der Kommende Abbingwehr ein halbes Gras Land.
Onko ende Hero Enkena kercvogheden to Sijrcwerum doen kundich ende openbaer allen guden luden, die dessen breeff zeen off horet lezen, dat wy hebben vorkofft myt vryen willen unde myt consent aller buren, broder Aeptet nu in der tijt hoffmester to Mydelsum ende Hayo ende Uko in der tijt to Mydelsum vorscr. een halff gras landes gheleghen in der Moenken fen, die gheheten in Hernkael, dat halff gras vor 3 Arnsche gulden unde die hure vri unde quijt vor al die tijt daet seet ghebruket hebben ende nyet vorghegheven hadden. Hijr hebben an ende over ghewesen Wybbo, Alrot, Wytte, Ubbo unde Weyo ende anders voel goeder lude. In een merer tuchnisse ende fasticheit al arghelist uutghezecht, so hebbe ik Sybrant cureet vorghescr. mynen inghezeghel doen hanghen an dessen breeff. Int jaer unses Heren MoCCCCoXXXo quinto, die dominica post festum ascensionis Domini.
x
| Archiv | NStA |
|---|---|
| Bestand | Rep. 1 (Große Urkundensammlung) |
| Zugangsnummer | R001 |
| Inventarnr. | 0746 |
| Jahr | 1435 |
| Datumcode | DpAscDom |