| Nummer:gus0748 | Datum:19. Febr. 1444 | Überlieferung:Original | Fundstelle:Rep. 1 (Große Urkundensammlung), inv.nr. 0748 |
Die Brüder Ebbeko und Onneko in Manslagt verkaufen der Kommende Abbingwehr Grundbesitz.
Wytlik unde openbaer sy allen erbaren guden luden, beyde gestlick unde werlik, de dessen breff zyen edder horen lesen, dat wy Ebbeko unde Onneko, broders to Manslyacht, bekennen openbaer in desser scriift, dat wy myt vrye wyllen unde vulberaden mode, sunt, eynmechtich, unvordruncken, hebben vorkofft deme convente to Abbyngwere een demeth landis, beleghen in Myddelsumer[*] hamrike, gheheten Kalya, umme enen summen geldes, welker summe gheldes uns broeders vorscr. ys na unsen vyllen (!) deger, al unde vul betalet, so dat wy broders edder unse nakomelyng dat vorscr. convent dar nicht mer wyllen vur manen to nener tiid. Des to tughe unde merer bekantnisse der warheyt, dat alle des vorscr. articlen war unde vast sint unde sunder alle argelist, so hebben wy her Eppo, curet to Manslyacht, unde her Onko, nu der tiid cappelaen to Abbyngwer, unse ingesegel umme bede wyllen desser vorscr. broders wytliken ghehangen an dessen breff. Datum anno Domini MoCCCCoXL quarto, feria quarta ante cathedram Petri apostoli.
x
| Archiv | NStA |
|---|---|
| Bestand | Rep. 1 (Große Urkundensammlung) |
| Zugangsnummer | R001 |
| Inventarnr. | 0748 |
| Jahr | 1444 |
| Datumcode | EaCatPet |