| Nummer:gus0749 | Datum:7. Sept. 1450 | Überlieferung:Original | Fundstelle:Rep. 1 (Große Urkundensammlung), inv.nr. 0749 |
Der Pfarrer Hero in Siegelsum beurkundet, daß der Pfarrer Goedke in Engerhafe der Kommende Abbingwehr 2 Diemat Land bei Eisinghusen verkauft hat.
Ik heer Hero, kerkher to Sygildsum, [*] enkenne in dessen breve, dat heer Goedke, medekerkher to Uttengherhove[*] hefft vorkofft deme kloester to Abinghwerum twe demede, byleghen by Esinghusen[*] in der groten fen, nuchtners modes myth synen fryen willen, myth byrade siner vrunde sunder allerleye ansprake ende nyaerkoep[*] siner vrunde ende allerleye archelist ende nyefunde to fyndende, vor enen summen gheldes, de heer Goedken to dancke ende to willen wol bytalet is. Hiir hebben an ende over wesen ik heer Hero vorscr., Nonno Waddenna, heer Siibo, Ette, heer Goedken pleghester. Ik heer Hero vorscr. in bywisinghe der warheyt ende bede willen heer Goedken, hebbe ik hanghen myn inghesegel an dessen breff. Datum anno Domini MoCCCCoLo, in vigilia nativitatis Marie.
x
| Archiv | NStA |
|---|---|
| Bestand | Rep. 1 (Große Urkundensammlung) |
| Zugangsnummer | R001 |
| Inventarnr. | 0749 |
| Jahr | 1450 |
| Datumcode | vNatMar |