Meude Addekans in Diele verkauft der Kommende Jemgum Grundbesitz bei Soltborg.

Kundich unde openbaer zet allen guden liunden, de dessen breff zet offte horen lezen, dat ik Meu^ode Addekans tho Dyle[*] myt dem rade myner kynderen, alzo Fomma mynes zones, unde ik Menna Zyans zone tho Krytzum, [*] dar ghenomen hebbe Frouwen, dochters dochtere Meu^odes suster tho ene echten wyve, dat wy hebben vorkofft vry unde velech 3 vote[*] landes in den velde tho der Holtgast[*] dem kovent tho Jemghum, by dem olden mare by der Zuderzyde des mares, al vaste by de yndiick, owa tho der Zoltburch[*] by der Zuderzyde myt twen voten umme ene zumme gheldes, welck summe geldes uns vul unde al wal betalet is, al arghelist utghesproken. In orkunde desser warheydes zo hebben wy Meu^od unde Fomma vorscr. unde Menna ghebeden unse kercheren, alzo her Thyabben unde her Hessel, dat ze hebben ghehanghen or ynghezeghele an dessen breff. Datum anno Domini M^oCCCC^o XXXII^o, ipso dye Narcissi episcopi.

x

x

Archiv	NStA
Bestand	Rep. 1 (Große Urkundensammlung)
Zugangsnummer	R001
Inventarnr.	0789
Jahr	1432
Datumcode	Narcis

x

x

x

Kommentar	Anhängendes Siegel verloren.

x

Editionen	Editie naar dit exemplaar: oub0409.