Der Pfarrer Borchard Schade in Ihrhove beurkundet den Grundstücksverkauf des Folrik Udensone in Folmhusen an die Kommende Muhde.

Ick Borchardus Schade, kerckher tho Iderhove[*] van belenynge der eddelen heren in Oestfryslandt, doe kondich, wytlich ende apenbar in dessen apenen besegelden breve voer alsweme, dat vor my syndt gekomen Folrick Udensone tho Folmedehusen, [*] tho den Stenvelde[*] woenachtich, Eteke syn echte husfrouwe, ende (hebben be)kandt, dat see vorkopen unde hebben vorkofft deme geystlichen heren Gotzen, comm(eldur to der) Muden, ende den gerneynen geystlichen heren unde broderen ende eren naevolgers desselven convents dree dachwerck metlandes in Hollyngevenne by Schellenlande, ende dat vorkofft(en) vor eyne summen van gelde, als 10 golden Rinsgulden, welck gelt my Folrick, Etteken myner husfrouwen, deger, all ende wall nae wyllen syndt vornoget ende betalt in sodaner gnade ...ld underscheyde, dat deselve Folrick ende syn husfrouwe iffte orer twyger erffghenamen datselve landt mogen wedderkopene van denenselven heren Gotzen edder synen naekomelyngen alle jaer, in wat tyden ende stunden, vor deselven summen geldes, als vorg, ys. Hyr hebben an unde over gewest ende tho dessen kope ghebeden unde geeyschet, als: Udo, Nonne ende Schelte, inwoners dess kerspels tho Iderhove. Thoer meer tugenisse der warheyt ende beyder parte bede wyllen hebbe ick Borchardus Schade, kercker vorbenompt, myn rechte ingesegel wytlichen ghedruckt upt spacium desses breves. Datum anno Domini M^o CCCC^o XCII^o, in vigilia Joannis baptiste.

x

x

Archiv	NStA
Bestand	Rep. 1 (Große Urkundensammlung)
Zugangsnummer	R001
Inventarnr.	0827
Jahr	1492
Datumcode	vNatJoh

x

x

x

Kommentar	Aufgedrücktes Siegel beschädigt erhalten.

x

Editionen	Editie naar dit exemplaar: oub1323.