Poppo in Norden verzichtet gegenüber dem Domkapitel von Bremen auf seine Rechte an der Kirche in Arle.
Reverendis in Dei filio dominis B. summo preposito, Th. decano totique capitulo ecclesie Bremensis, Popetatus de Norda quicquid potest reverencie, obsequii, favoris et honoris. Cum summe indecens videatur, menbra capiti, subditum superiori, violenciam iusticie rebellare, hinc est, quod ego protestationem facio in hiis scriptis, omnibus et singulis presentibus et futuris presentia visuris, me in ecclesia Erle, [*] quam fratri meo carnali contulistis in beneficium, nichil iuris penitus habere, nisi quantum consequi poteram de vestre gratie largitate, nec deinceps vacante iam dicto beneficio, vos in aliquo iure vestro impedire volo sicut nec debeo, quin pocius libere ac sine omni gravamine prefatam ecclesiam cuicunque volueritis porrigere valeatis. In huius rei testimonium et confirmationem sigillum terre nostre Nordensis duxi presentibus apponendum.
