Erzbischof Johann von Bremen bestätigt die Gründung einer Vikarie in der Kirche von Aurich.

Johannes Dei et apostolice sedis gracia sancte Bremensis ecclesie archiepiscopus, universis et singulis presencia visuris seu audituris, et quem vel quos infrascriptum tangit negocium seu tangere poterit quomodolibet in futurum, et qui sua erediderint interesse, salutem et sinceram in Domino caritatem. Pastoralis nostri officii sollicitudo maxime in hiis, que augmentum divini cultus concernunt nos ammonet et inducit, ut iustis petencium desideriis facilem prebeamus assensum, ut eterni regis laus, honor et gloria in terris multiplicetur. Cum igitur providus et circumspectus vir, dominus Johannes, rector ecclesie parrochialis in Aurekehove[*] nostre dyocesis, prout ad nostram audienciam pervenit, pii ardoris instinctus affectu, volens anime sue saluti pro suo posse, ac Thiderico, Johanni et Folcardo suis filiis carnalibus necessariis ut victum et vestitum in presenti vita habeant providere, quoddam altare seu perpetuam vicariam in honorem et laudem sanctissime et intemerate virginis Marie Dei genitricis, et Laurencii martyris Christi gloriosi instauravit erigi, construi et consecrari in ecclesia sua Aurekehove antedicta procuravit Quod eciam pro fundacione ipsius bonis infrascriptis ditavit, dotavit ac reddituavit perpetuis temporibus apud dictum altare et vicarium ipsius pro tempore existentem permanenda; in primis videlicet cum quibusdam certis agris prope villam Aurekehove iacentibus, in quos triginta et ultra mensure vulgariter dicte ammersad[*] possunt et solent seminari. Item cum omnibus et singulis silvis, nemoribus, rubetis vulgariter holtmarke nuncupatis, hucusque ad ipsum dominum Johannem in Rode et Poppenzen[*] in dicta parrochia existentes et existencia pertinebant (sic); item cum duodecim fenilibus, id est pratis, in quibus fenum colligi solet, poterit et parari, in hamerke Berstede et Westerende[*] situatis pro equis, pecoribus et pecudibus tempore brumali pascendis vicarii pro tempore existentes memorati. Item idem dominus Johannes ad dictam vicariam et eius vicarium predictum largitus est, dedit et donavit quandam domum et aream in villa Asschuzen in parrochia Twisschenan[*] eiusdem nostre dyocesis, quas quidam Hinricus dictus Hotinch rusticus et colonus inhabitat et colit, qui eciam ex servili condicione et litonitatis servitute una cum uxore, filiabus, filiis, fratribus et sororibus suis cum agris cultis et incultis annali pensione, censu, fructibus, redditibus, emolimentis et obvencionibus universis et singulis subiecti dinoscuntur, eciam apud dictum altare et eius vicarium antedictum iugis temporibus permansuras; dictus eciam villicus vel eius heredes dicto vicario singulis annis in festo beati Martini solvent prout adhuc solvi est consuetum de agris et bonis ad dictas domum et aream spectantibus supradictis tria molcia[*] siliginis et tria molcia ordei Oldenburgensis mensure, et quadraginta quinque grossos Bremenses realiter omni dilacione et protractione pretermissa et semota. Item quocienscunque et quandocunque in lignis et arboribus ad dictam domum pertinentibus fructus vel glantes ex dono Dei crescere contigerit, [*] illorum medietas ad predictum vicarium et eius utilitatem pertinebit. Item domum quandam in area rectoris ecclesie predicte erectam et constructam pro habitacione dicti vicarii deputavit, hoc tamen expresso, quod idem vicarius ex dicta area dicto rectori pro tempore existenti in singulis festis beati Martini episcopi et confessoris sex antiquos Turonenses[*] vel eorum valorem pro anali pensione ministrabit. Ceterum idem dominus Johannes pro sustentacione vicariorum predictorum successu temporis existencium dedit, donavit et largitus est ad domum et habitacionem predictam quatuor vaccas lactentes, duos boves arantes, unum equum quindecim florenos leves currentis ibidem monete valentem pro predicti vicarii sustentacione et utilitate una cum quatuor lectis, pulvinaribus, linteaminibus, lodicibus[*] et cussinis ad dictos lectos necessariis et oportunis, tria caldaria, quatuor ollas eneas et amphoras quatuor de stanno fusas in dicta domo et habitacione iugiter permanendas permanendos et permanenda. Vult eciam idem fundator, quod pecudes et pecora necnon suppellectilia suprascripta defici, alienari et periri de dicta domo et dote ipsius vicarii non debebunt, sed quivis vicarius in domo et habitacione predicta tot vaccas boves, equum, lectos, pulvinaria, lodices, linteamina, cussinos, kaldaria, ollas et amphoras de bonis suis per se aut per suos testamentarios vicarius post vicarium suo successori ordinabit et de eis providebit. Est etenim prout nobis pro parte ipsius fundatoris est enodatum sue intencionis et voluntatis, quod ipse vita sua in hoc seculo durante collacionem, presentacionem seu aliam quamcunque disposicionem sibi reservavit et reservat ad altare memoratum, ad quod Thidericus eius filius iam actu per eum presentatus. Item est adiectum, quod Johannes eius filius et frater carnalis Thiderici actu eiusdem altaris et vicarie vicarius post obitum eiusdem Thiderici in casu, quo eum vivere contigerit, in locum fratris mortui et ad dictum altare et in corporalem et realem possessionem fructuum, reddituum, iurium et pertinenciarum et obvencionum universorum et singulorum ipsius per verum presentatorem sue ecclesie, si dictus fundator de medio sublatus, extiterit; si vero Johannes predictus morte preventus fuerit, extunc Folcardum ipsius filium, in casu si supervixerit, ad idem altare et eius proventus et obvenciones, prout dictus Thidericus ipsum, ut premittitur, possidet, debebunt presentari. Supplicavitque nobis idem dominus Johannes fundator, ut omnia et singula suprascripta auctoritate nostra ordinaria approbare ad dictum beneficium altaris sancte Marie virginis et beati Laurencii martyris cum predicta dote ac bonis, rebus et suppellectilibus supranominatis confirmare, ratificare, gratificare et approbare dignaremur. Nos igitur eorum iustis supplicacionibus huiusmodi merito annuentes, ut divinus cultus augeatur, omnia et singula suprascripta auctoritate nostra ordinaria presentibus confirrnamus, ratificamus, gratificamus et approbamus. Nulli ergo omnino hominum liceat hanc paginam nostre confirmacionis infringere aut ei ausu sacrilego quovismodo contraire. Si quis autem hoc attemptare presumpserit anathematis vinculo innodamus per presentes. In quodum omnium et singulorum evidens testimonium sigillum nostrum presentibus duximus appendendum. Datum anno Domini millesimo quadringentesimo octavo, feria tercia proxima post festum visitacionis beate Marie virginis.

x

x

Archiv	NStA
Bestand	Rep. 1 (Große Urkundensammlung)
Zugangsnummer	R001
Inventarnr.	0847
Jahr	1408
Datumcode	MpVisMar

x

x

x

Kommentar	Anhängendes Siegel verloren.

x

Editionen	Editie naar dit exemplaar: oub0214.