| Nummer:haf032 | Datum:10 april 1412 | Überlieferung:Origineel | Fundstelle:H.A. Farmsum, inv.nr. 0674, reg. 032 |
Ik Wycka Boelsama to Thyodense do kundich ende kantlic allen den ghenen de dessen breef zolen zeen oft horen
lesen, dat ic hebbe vorcoft myt mynen vryen willen ende myt goden voer byrade voer my ende voer mynen erf.
Aylken Onsten ende zinen erfnamen de halve fenne de gheheten is Boelsama camp daer in wesen zolen zes juke, daer
Meelka Boelsama de helfte van to heort, voer ene summe gheldes de my Aylka vors. vol ende al bytalet heft, dat
vors. lant myt zinen to behoren, heb ic Wytka vors. up ghedraghen, ende draghe up myt allen rechte ende eghendoem ewelic to bruken
to bezitten, to setten, ende to vorkopen, ende zinen vryen wyllen mede to done, tot ewyghen daghen sunder al arghe
list, Desse vors. vamp is gheleghen totten zuth ende des heerweghes de gheet up de zuder mede van Thyudenze,
daer Lyorkesma(?) camp licht by de oester zide, ende de grise monekes mede totter zuth ende, hiir hebben over ende an ghe
wesen, Meelka Boelsama ende Hayka Eppa zone wedmans to Thyudense, ende anders vele goder lude, In een orkunde
desser waerheyt so heb ic Wicka vors. ghebeden her Waelken cureet to Lydense mynen hovet preester dessen breef voer
my to beseghelen want ic zelven ghenes seghels en bruke, Ende ik her Waelke voers. hebbe miin seghel by neden
an dessen breef ghehanghen, um bede willen Wickans vors. Ghegeven Int Jaer unses heren dusent vyerhun
dert ende twalve des Sondaghes to Paesche achtende.
lesen, dat ic hebbe vorcoft myt mynen vryen willen ende myt goden voer byrade voer my ende voer mynen erf.
Aylken Onsten ende zinen erfnamen de halve fenne de gheheten is Boelsama camp daer in wesen zolen zes juke, daer
Meelka Boelsama de helfte van to heort, voer ene summe gheldes de my Aylka vors. vol ende al bytalet heft, dat
vors. lant myt zinen to behoren, heb ic Wytka vors. up ghedraghen, ende draghe up myt allen rechte ende eghendoem ewelic to bruken
to bezitten, to setten, ende to vorkopen, ende zinen vryen wyllen mede to done, tot ewyghen daghen sunder al arghe
list, Desse vors. vamp is gheleghen totten zuth ende des heerweghes de gheet up de zuder mede van Thyudenze,
daer Lyorkesma(?) camp licht by de oester zide, ende de grise monekes mede totter zuth ende, hiir hebben over ende an ghe
wesen, Meelka Boelsama ende Hayka Eppa zone wedmans to Thyudense, ende anders vele goder lude, In een orkunde
desser waerheyt so heb ic Wicka vors. ghebeden her Waelken cureet to Lydense mynen hovet preester dessen breef voer
my to beseghelen want ic zelven ghenes seghels en bruke, Ende ik her Waelke voers. hebbe miin seghel by neden
an dessen breef ghehanghen, um bede willen Wickans vors. Ghegeven Int Jaer unses heren dusent vyerhun
dert ende twalve des Sondaghes to Paesche achtende.
x
| Archiv | Groninger Archieven |
|---|---|
| Bestand | H.A. Farmsum |
| Zugangsnummer | 619 |
| Inventarnr. | 0674 |
| Regestnr. | 032 |
| Jahr | 1412 |
| Datumcode | QuaMod |