| Nummer:haf043 | Datum:5 dec. 1424 | Überlieferung:Afschrift | Fundstelle:H.A. Farmsum, inv.nr. 0089, pag. 140, reg. 043 |
Wij Praelaten, hoefftlingen ende Rechters vanden
Achte Zijlfesten uutgheseget Crepelswolt ende meene Buere
van Gronninger Hemmerick de toe Delffzijl uuthwateren
bekennen ende tuige mit dessen openen brieve dat wij den brieff
den onse voervaderen ghemaket ende bezeegelt hebben mit
Hunsege landes ende Fijwelgelandes zeegele in den jaer
onses Heeren duisent dreehondert dree ende vierticch willen
vullecomelick holden als he geschreven staet vanden suijder
water ende vanden Loedijcken ende vanden panden ende
der Prumesleke uuthgeseget dat dit eenwirts borghe sall
vrij wesen als des rechters eet uuth is den de eenwerd
ghesat hefft. Men dit nije rechters de soelen oeren een-
wirdsborge setten toe den naesten werve den de achte
zijllvesten begripen elcken rechter bij eenen engelsche marck
toe broeke ende den werff sall elck zijlvesten der ander
kundich doen vier daeghe te voeren. Item, so solen de acht zijllvesten voerschreven mit samenderhandt schouwen die Americk
dijken end Groninger dijcken vander oester Hemmerick ende den
Woltdijck ende den broeke samentlijck te deelen die daer van
coomen mach. Item, die werve de ons achte zijlvesten angaet
de salmen holden toe den Buere ende daer salmen die borghe setten
ende ontvangen ende de borghen solen woonen inden acht zijll-
festen. Item, dese articulen voerschreven mit den rechten
brieve solen steede end vast blijven all went toe der tijt dat wij
de van Crepelswolde ende van Broeke daer toe gebracht hebben
dat sie mede borgen off dat sie ons mit rechte affgaen. In oircon
de des so hebben wij praelaten, hoefftlinghe, rechters ende meene
meente ende buere van Groninger oester hemmerick voirschreven ghebeden den Eersamen Borgermeisteren ende Raet in
Gronningen end den Eersamen vader broeder Dioert abbt
toe den Buere ende Herder Ludinghe toe besegelen dessen
brieff. Ende wij Borgermeisteren ende Raet voerscreven
omme bede wille der eerbaren praelaten, hoefftylingen rechteren meente ende buiren voerscreven
hebben onss Stad secreet ende wij broeder Dioert
abbt voirscreven onss Abdie zeegell vanden Buere
ende ick Herder voirscreven hebbe mijn zeegell bijneden an
dessen brieff gehangen. Ghegeven in den jaer onses heeren duisent vierhondert vier ende twintich an Sunte Nicolaus Avende.
Achte Zijlfesten uutgheseget Crepelswolt ende meene Buere
van Gronninger Hemmerick de toe Delffzijl uuthwateren
bekennen ende tuige mit dessen openen brieve dat wij den brieff
den onse voervaderen ghemaket ende bezeegelt hebben mit
Hunsege landes ende Fijwelgelandes zeegele in den jaer
onses Heeren duisent dreehondert dree ende vierticch willen
vullecomelick holden als he geschreven staet vanden suijder
water ende vanden Loedijcken ende vanden panden ende
der Prumesleke uuthgeseget dat dit eenwirts borghe sall
vrij wesen als des rechters eet uuth is den de eenwerd
ghesat hefft. Men dit nije rechters de soelen oeren een-
wirdsborge setten toe den naesten werve den de achte
zijllvesten begripen elcken rechter bij eenen engelsche marck
toe broeke ende den werff sall elck zijlvesten der ander
kundich doen vier daeghe te voeren. Item, so solen de acht zijllvesten voerschreven mit samenderhandt schouwen die Americk
dijken end Groninger dijcken vander oester Hemmerick ende den
Woltdijck ende den broeke samentlijck te deelen die daer van
coomen mach. Item, die werve de ons achte zijlvesten angaet
de salmen holden toe den Buere ende daer salmen die borghe setten
ende ontvangen ende de borghen solen woonen inden acht zijll-
festen. Item, dese articulen voerschreven mit den rechten
brieve solen steede end vast blijven all went toe der tijt dat wij
de van Crepelswolde ende van Broeke daer toe gebracht hebben
dat sie mede borgen off dat sie ons mit rechte affgaen. In oircon
de des so hebben wij praelaten, hoefftlinghe, rechters ende meene
meente ende buere van Groninger oester hemmerick voirschreven ghebeden den Eersamen Borgermeisteren ende Raet in
Gronningen end den Eersamen vader broeder Dioert abbt
toe den Buere ende Herder Ludinghe toe besegelen dessen
brieff. Ende wij Borgermeisteren ende Raet voerscreven
omme bede wille der eerbaren praelaten, hoefftylingen rechteren meente ende buiren voerscreven
hebben onss Stad secreet ende wij broeder Dioert
abbt voirscreven onss Abdie zeegell vanden Buere
ende ick Herder voirscreven hebbe mijn zeegell bijneden an
dessen brieff gehangen. Ghegeven in den jaer onses heeren duisent vierhondert vier ende twintich an Sunte Nicolaus Avende.
x
| Archiv | Groninger Archieven |
|---|---|
| Bestand | H.A. Farmsum |
| Zugangsnummer | 619 |
| Inventarnr. | 0089 |
| Fol. Nr. | pag. 140 |
| Regestnr. | 043 |
| Jahr | 1424 |
| Datumcode | vNicola |