| Nummer:haf050 | Datum:16 sept. 1428 | Überlieferung:Origineel | Fundstelle:H.A. Farmsum, inv.nr. 0841, reg. 050 |
Wy Borgermeystere ende Raed in Groningen bekennen ende tughen mit dessen openen breve dat voir ons is ghekomen
Roelff ter Brugge ende bekande dat he hefft verhuyrt ende uutghedaen vor em ende voir zine erffgenamen Herman
den Backer ende zinen wyve ende ore twyer erffgenamen toe hondert jaren na datum desses brieffs ene hofstede achter
Jacop Sadelmakers hofstede so breet als de selve Jacops hofstede is mit enen vryen menneweghe ingaende
tusschen Frederix Ga.kinge ende Johan Kannekens husen vanden Markede doirganges noirdewert uut byden
Jacopinen mitten weghe ende mitten gange als dat nu ter tyt ghelegen ende daer to mitter keringe opter
zuder syt vandessen hofstede als Sigher Bunsche ende Gherardus Orgelmaker van Roelff voirscr. ghe
huyrt hebben des jaers voir vyf schilde paymentes als in Groningen ganck ende gave is jaerlix to
betalen als een Stadrecht is Voirt so sint vorwarde weert zake dat een Bisscop to Utrecht de voirscr.
hofstede weder inlosede in toecomende tyden so sal he Herman voirscr. ende zinen wyve offte oren erffgenamen dat
tymmer betalen dat ze daer op setten tot twyer manne seggen offte ysset dat he des nicht en doet so moghen
ze oren willen doen mitten tymmer. Ende desse hofstede is gheleghen opter wester siit vanden weghe voirscr.
Dat oirkunde wij mit onser Stad segele Ghegeven inden jaer onss heren dusent vierhundert acht ende
twintich des donredages na des hilligen crucis daghe exaltationis do Evert Hubbeldingh, Ludolff Sickingh
Folkeer Maurysingh ende Ditmar Rengers Borgermeystere weren onser Stad.
Roelff ter Brugge ende bekande dat he hefft verhuyrt ende uutghedaen vor em ende voir zine erffgenamen Herman
den Backer ende zinen wyve ende ore twyer erffgenamen toe hondert jaren na datum desses brieffs ene hofstede achter
Jacop Sadelmakers hofstede so breet als de selve Jacops hofstede is mit enen vryen menneweghe ingaende
tusschen Frederix Ga.kinge ende Johan Kannekens husen vanden Markede doirganges noirdewert uut byden
Jacopinen mitten weghe ende mitten gange als dat nu ter tyt ghelegen ende daer to mitter keringe opter
zuder syt vandessen hofstede als Sigher Bunsche ende Gherardus Orgelmaker van Roelff voirscr. ghe
huyrt hebben des jaers voir vyf schilde paymentes als in Groningen ganck ende gave is jaerlix to
betalen als een Stadrecht is Voirt so sint vorwarde weert zake dat een Bisscop to Utrecht de voirscr.
hofstede weder inlosede in toecomende tyden so sal he Herman voirscr. ende zinen wyve offte oren erffgenamen dat
tymmer betalen dat ze daer op setten tot twyer manne seggen offte ysset dat he des nicht en doet so moghen
ze oren willen doen mitten tymmer. Ende desse hofstede is gheleghen opter wester siit vanden weghe voirscr.
Dat oirkunde wij mit onser Stad segele Ghegeven inden jaer onss heren dusent vierhundert acht ende
twintich des donredages na des hilligen crucis daghe exaltationis do Evert Hubbeldingh, Ludolff Sickingh
Folkeer Maurysingh ende Ditmar Rengers Borgermeystere weren onser Stad.
x
| Archiv | Groninger Archieven |
|---|---|
| Bestand | H.A. Farmsum |
| Zugangsnummer | 619 |
| Inventarnr. | 0841 |
| Regestnr. | 050 |
| Jahr | 1428 |
| Datumcode | JpExaCru |