| Nummer:haf181 | Datum: | Überlieferung:Origineel | Fundstelle:H.A. Farmsum, inv.nr. 0850, reg. 181 |
Wy borgermestere ende Raed in Groningen betugen myt dessen openen breve dat wy ter mynnen naest
den besten rechte ene uutsprake gedaen hebben inder schelinge tusschen Azegen to Raswert ande ene
zijd ende Yemme Syerssoen ande ander zyd als vanden doetdiele ende nederslage saligen Jarichs Azeghens vorscreven broder so alze dat vanden parten vorscreven by ons gecompromittiert ende gebleven is by
eenre pene van twehundert olde franxsche schilde ende beborget Also dat Yemme vorscreven sall
Azegen vorgenoemd voer den nederslach ende doetdiel geven ende betalen driehundert arnemsen gulden
die helffte to mydwinter ende die ander helffte to paeschachten naestkomende in handen des
ersamen heren meyster Albert Vriese persoen ende kerchere to Baffelte so dat desse vorscreven parten hiir
mede verliket sullen wesen ende bliven tot ewygen dagen voer em ende oeren vrenden geboren ende
ongeboren ene stede vaste ewyge zoene te holden dat beyde parten vorscreven soe angenomen hebben
to holden onverbroken byder vorscreven pene des compromisses daer borge voer sint van Azegen wegen
vorgenoemd Azege van Harsenze ende van Yemmen wegen Gosen van Dulk dyt seggen to holden als
vorscreven is welke uutsprake ende beboringe als vorscreven is up onsen raedhuuse geschien is up den
vrydach na sunte Merten inden winter naest verleden Alze dan Yemme vorscreven desse vorgenoemde drie
hundert gulden guetliken ende wall vull ende all nu betaelt hefft in handen des persoens vorgenoemd
tot Azegen van Raswerts vorscreven behoeff ende wylle alze de persoen ende Azege to Raswert vorgenoemd
selven voer ons bekanden so verghijfft Azege to Raswert vorgenoemd omme Godes wyllen Yemmen
vorscreven de mysdaet. Also dat Yemme vorscreven ende sine erffgenamen ende vrenden geboren ende ongeboren nae
dessen dage tot ewygen tyden vander vorscreven sake wegen vry onbehindert lyves ende guedes tot allen
steden ende plaetzen vry onbeset ende onbelet sullen mogen komen ende verkieren voer Azegen vorscreven
ende sinen erffgenamen ende vrenden geboren ende ongeboren gene meer ansprake bet daer omme te doen
offte to beholden tot genen tyden myt genen rechte men tot ewygen dagen hiir mede alinge ende
all gescheiden te wesen ende to bliven voer geboren ende ongeboren vander vorscreven sake wegen sunder argelist.
Dat orkonde wy myt onsen stad zegell. Ende omme de merre vestenisse wyllen hebbe ic Azege
to Raswert vorgenoemd gebeden den ersamen meyster Alberte persoen mynen kercheren dessen breeff mede toe
bezegelen over my. Ende ic Albertus persoen ende cureyt vorgenoemd omme bede wyllen Azegens vorscreven hebbe myn
zegel mede an dessen breeff gehangen. Ghegeven inden jaer ons heren dusent vierhundert achtende-
tsoventich des wondesdages na sunte Thomas dach apostoli, doe Evert Hubbelding, Sweder
Kater, Jacop Groevens ende Roleff Mepsche borgermestere waeren onser stad.
AANTEKENINGEN:
OVERLEVERING: origineel, perkament.
AUTHENTICERING: zegel sur double queue.
VINDPLAATS: RAGr, FARMSUM 850 R 181.
UITGAVE:
den besten rechte ene uutsprake gedaen hebben inder schelinge tusschen Azegen to Raswert ande ene
zijd ende Yemme Syerssoen ande ander zyd als vanden doetdiele ende nederslage saligen Jarichs Azeghens vorscreven broder so alze dat vanden parten vorscreven by ons gecompromittiert ende gebleven is by
eenre pene van twehundert olde franxsche schilde ende beborget Also dat Yemme vorscreven sall
Azegen vorgenoemd voer den nederslach ende doetdiel geven ende betalen driehundert arnemsen gulden
die helffte to mydwinter ende die ander helffte to paeschachten naestkomende in handen des
ersamen heren meyster Albert Vriese persoen ende kerchere to Baffelte so dat desse vorscreven parten hiir
mede verliket sullen wesen ende bliven tot ewygen dagen voer em ende oeren vrenden geboren ende
ongeboren ene stede vaste ewyge zoene te holden dat beyde parten vorscreven soe angenomen hebben
to holden onverbroken byder vorscreven pene des compromisses daer borge voer sint van Azegen wegen
vorgenoemd Azege van Harsenze ende van Yemmen wegen Gosen van Dulk dyt seggen to holden als
vorscreven is welke uutsprake ende beboringe als vorscreven is up onsen raedhuuse geschien is up den
vrydach na sunte Merten inden winter naest verleden Alze dan Yemme vorscreven desse vorgenoemde drie
hundert gulden guetliken ende wall vull ende all nu betaelt hefft in handen des persoens vorgenoemd
tot Azegen van Raswerts vorscreven behoeff ende wylle alze de persoen ende Azege to Raswert vorgenoemd
selven voer ons bekanden so verghijfft Azege to Raswert vorgenoemd omme Godes wyllen Yemmen
vorscreven de mysdaet. Also dat Yemme vorscreven ende sine erffgenamen ende vrenden geboren ende ongeboren nae
dessen dage tot ewygen tyden vander vorscreven sake wegen vry onbehindert lyves ende guedes tot allen
steden ende plaetzen vry onbeset ende onbelet sullen mogen komen ende verkieren voer Azegen vorscreven
ende sinen erffgenamen ende vrenden geboren ende ongeboren gene meer ansprake bet daer omme te doen
offte to beholden tot genen tyden myt genen rechte men tot ewygen dagen hiir mede alinge ende
all gescheiden te wesen ende to bliven voer geboren ende ongeboren vander vorscreven sake wegen sunder argelist.
Dat orkonde wy myt onsen stad zegell. Ende omme de merre vestenisse wyllen hebbe ic Azege
to Raswert vorgenoemd gebeden den ersamen meyster Alberte persoen mynen kercheren dessen breeff mede toe
bezegelen over my. Ende ic Albertus persoen ende cureyt vorgenoemd omme bede wyllen Azegens vorscreven hebbe myn
zegel mede an dessen breeff gehangen. Ghegeven inden jaer ons heren dusent vierhundert achtende-
tsoventich des wondesdages na sunte Thomas dach apostoli, doe Evert Hubbelding, Sweder
Kater, Jacop Groevens ende Roleff Mepsche borgermestere waeren onser stad.
AANTEKENINGEN:
OVERLEVERING: origineel, perkament.
AUTHENTICERING: zegel sur double queue.
VINDPLAATS: RAGr, FARMSUM 850 R 181.
UITGAVE:
x
| Archiv | Groninger Archieven |
|---|---|
| Bestand | H.A. Farmsum |
| Zugangsnummer | 619 |
| Inventarnr. | 0850 |
| Regestnr. | 181 |
| Jahr | 1478 |
| Datumcode | EpThome |