| Nummer:haf200 | Datum: | Überlieferung:Origineel | Fundstelle:H.A. Farmsum, inv.nr. 0599, reg. 200 |
Wy Borgermestere ende Raed in Groningen betugen mit dessen openen breve dattet echtscap ende hilick tusschen
den Ersamen ende geboerdigen Alert Tamminge hoefftling ande ene juncfrow Gheese Koenrades ande ander zyde
is by maende vrende raede an beyden syden gededinget geendiget ende besloten in dusdane hilixvor
worden hijr na bescreven Inden eersten solen Evert ende Alberrt (sic) Koenrades gebroders Juncfow Gheesen oere
zuster mede to bodele geven drie hundert arnemsen gulden renten des jaers tot gueder manne kenninge Daer af Albert
vorscr. synre zuster up overwyset droch up ende gaff over uut Egbert Koninges huus by den Vyschmarckte Sovenendetwyntich
arnemsen gulen renten des jaers Ende uut Johan geerdessoen hues daer naest by ande wester zijde Sesendartich arnemsche
gulden des jaers Ende uut Everdes voerscr. heert toe Eenematijll Twaleff arnemsen gulden des jaers Teyn groninger
vliegers voer elken gulden gerekent na Inholt der principale breven to manen ende to boren Item so wyset over Evert vorscr.
drecht up ende gyfft over synre zuster Gheesen daer aff Sesteyn golden overlandsche rinssche gulden rente des jaers
Ende Eenendetwintich olde vleemsche renten uut Egbert Backers hues in Botteringe straet Ende daer to hundert arnemsche
gulden des jaers uut synen heerde ende landen to Enema tijll daer Albert nu ter tyt uppe woent Item noch Ses golden
rinssche gulden renten des jaers uut Aylbets Alberda hues in Oesterstrate na uutwysinge oere breve Ende vierentwintich
arnemsen gulden renten des jaers uut synen heerde ende ande to Enematyll Hyr is mede bevorwordet offte Alert ende
Juncfrow Gheese vorscr. kindere een offte meer to samen teelden Ende oerer een van Em beyden storven So ervet die dode
up dat kint Ende dat dan dat kint na storve Soe sall die helffte vanden guede weder komen ande Erven daer dat
uut gekomen is. Weert oeck sake dat Alert storve voer Gheesen sunder witlike levendige boert So sall Gheese verbetert
wesen uut Alerts guede An Ses hundert golden rinssche gulden geldes Ende offte Gheese storve voer Alert alse vorscr. is So
sall Alert verbetert wesen uut gheesen guede An driehundert golden rinssche gulden Anders sullen die guede Erven
na landrechte Ende daer toe sullen Gheese ende Alert vorscr. malkanderen beghyfften an lyffrenten offte an lyfftucht nae
oers solven guedduncken Ende alle Tylbaer guede ende togewonnen guede sullen wesen halff ende halff Ende offte Alert
ende Gheese beyde storven ende daer een kint offte meer na bleven Ende dat Kint offte kindere storve offte storven So sall alle
dat na gelatene gued vallen ende Erven Ande vrenden ende Erffgenamen van beyden syden sunder argelist Dat Orkonde wy
myt onsen stad Segel Ghegeven inden jaer ons heren dusent vierhundert Achtentachtentich des wondesdages na nyeJaers
dage Doe Sweder Kater, Gharmet Allema, Henrick Reberch ende Harmen Potter borgermestere waeren onser stadt.
den Ersamen ende geboerdigen Alert Tamminge hoefftling ande ene juncfrow Gheese Koenrades ande ander zyde
is by maende vrende raede an beyden syden gededinget geendiget ende besloten in dusdane hilixvor
worden hijr na bescreven Inden eersten solen Evert ende Alberrt (sic) Koenrades gebroders Juncfow Gheesen oere
zuster mede to bodele geven drie hundert arnemsen gulden renten des jaers tot gueder manne kenninge Daer af Albert
vorscr. synre zuster up overwyset droch up ende gaff over uut Egbert Koninges huus by den Vyschmarckte Sovenendetwyntich
arnemsen gulen renten des jaers Ende uut Johan geerdessoen hues daer naest by ande wester zijde Sesendartich arnemsche
gulden des jaers Ende uut Everdes voerscr. heert toe Eenematijll Twaleff arnemsen gulden des jaers Teyn groninger
vliegers voer elken gulden gerekent na Inholt der principale breven to manen ende to boren Item so wyset over Evert vorscr.
drecht up ende gyfft over synre zuster Gheesen daer aff Sesteyn golden overlandsche rinssche gulden rente des jaers
Ende Eenendetwintich olde vleemsche renten uut Egbert Backers hues in Botteringe straet Ende daer to hundert arnemsche
gulden des jaers uut synen heerde ende landen to Enema tijll daer Albert nu ter tyt uppe woent Item noch Ses golden
rinssche gulden renten des jaers uut Aylbets Alberda hues in Oesterstrate na uutwysinge oere breve Ende vierentwintich
arnemsen gulden renten des jaers uut synen heerde ende ande to Enematyll Hyr is mede bevorwordet offte Alert ende
Juncfrow Gheese vorscr. kindere een offte meer to samen teelden Ende oerer een van Em beyden storven So ervet die dode
up dat kint Ende dat dan dat kint na storve Soe sall die helffte vanden guede weder komen ande Erven daer dat
uut gekomen is. Weert oeck sake dat Alert storve voer Gheesen sunder witlike levendige boert So sall Gheese verbetert
wesen uut Alerts guede An Ses hundert golden rinssche gulden geldes Ende offte Gheese storve voer Alert alse vorscr. is So
sall Alert verbetert wesen uut gheesen guede An driehundert golden rinssche gulden Anders sullen die guede Erven
na landrechte Ende daer toe sullen Gheese ende Alert vorscr. malkanderen beghyfften an lyffrenten offte an lyfftucht nae
oers solven guedduncken Ende alle Tylbaer guede ende togewonnen guede sullen wesen halff ende halff Ende offte Alert
ende Gheese beyde storven ende daer een kint offte meer na bleven Ende dat Kint offte kindere storve offte storven So sall alle
dat na gelatene gued vallen ende Erven Ande vrenden ende Erffgenamen van beyden syden sunder argelist Dat Orkonde wy
myt onsen stad Segel Ghegeven inden jaer ons heren dusent vierhundert Achtentachtentich des wondesdages na nyeJaers
dage Doe Sweder Kater, Gharmet Allema, Henrick Reberch ende Harmen Potter borgermestere waeren onser stadt.
x
| Archiv | Groninger Archieven |
|---|---|
| Bestand | H.A. Farmsum |
| Zugangsnummer | 619 |
| Inventarnr. | 0599 |
| Regestnr. | 200 |
| Jahr | 1488 |
| Datumcode | EpCirDom |