Geert van Enschede verkoopt het goed waarvan de transfix spreekt, aan Grete de dochter van Johan Stoelkers.

Wij borghermester ende raedt yn Groningen betuegen myt dessen
opene breve dat vor uns ys ghekomen Geert van Enschede ende
bekande vor hem ende sijnen arffg. dat he hevet verkofft upge-
draegen ende overgegeven, Karstgen Kremer, voermundt, myt den
voechden tho salige Johan Stoelkers naegelaten dochter, Grete
genoempt, tho behoeff derselver Greten ende hoeren arffg. sodane
vijff mudde jaerliker roggenrente daer de breeff van spreket
daer desse breeff doerch ghetoegen is, vrij ende quijdt, arffliken tho
manen ende tho besitten yn allen maneren als deselve breeff daer
van ynholdet ende uuthwijset. Vor ene summe geldes de Geert vorg.
bekande dat hem vull ende all is betaelt. Sunder arghelist. Dat
oerkunde wij myt unser stadt segel. Gegeven in den jaer uns
Heren dusent vijffhundert ende veertich, dinxdaeges na Visitationis
Marie, do Eltet to Lellens, Reynt Albarda, olde Johan Hoernken
ende Albart Jarges borghermester weren unser stadt.

x

x

Archiv	Groninger Archieven
Bestand	H.A. Nienoord
Zugangsnummer	626
Inventarnr.	38
Jahr	1540
Datumcode	MpVisMar

x

x