| Nummer:han049 | Datum:23 aug. 1544 | Überlieferung:Origineel | Fundstelle:H.A. Nienoord, inv.nr. 49 |
Menne Sickema en Ebele, zijn vrouw, verkopen aan juffer Beetken, weduwe tho Ewsum, Sickemaheerd en Tayngeheerd en nog enige landen onder Tolbert en Midwolde.
Wij borghermestere ende raedt yn Groenynghen betueghen myt desen openen breve dat vor uns synt ghekomen, Menno Sickema, Ebe-
le, sijn echte huesfrow, ende bekanden vor hem ende hoeren arffg. dat se yn enen stedenvasten arffkope hebben vorkofft, upghe-
draghen ende overgegeven der erbaren ende duchtighen juffer Beetken, naegelaten weduwen tho Ewsum, ende hoeren arffg.
Sickema heert ende Taynge heert gheleghen yn de westerclufft van Mydtwolde, daer Eneke Meetzema up 't oesten ende
Tiepko Douwema up 't westen myt Iwe Awema naest an gheswettet syn, myt allen gerechticheyden, heerlicheyden, karcksto-
len, karckgraven so Menno ende Ebele vorg. dat nu ter tijdt ghebruyken neetes uuthbesundert, hetsij hues, hoff, landt,
sandt, boem, struck, stock, bouwlandt, etlandt, maetlant, meenschaer, oick veer acker veens, liggende yn Jelt Tatema
heerdt yn Tolbert, daer Meyt Bunnema arffg. up 't westen, Jellert Fockens up 't oisten naest angheswettet syn, suytwart
uuthstreckende als ander vene myt ene vrije uuthmenninghe. Des strecken de beyde vorg. heerde landes myt de noirder-
einde up Traenbuerwech ende zuytwart an den dwarssloet up Vrenkema landt. Bet noch Hanniken kamp ghele-
ghen up de westersijdt van Tjalle Himersma hues, bet den halven heerdt landes, daer Johan Drewes nu up woent,
ghelegen tho Midtwolde yn de wester clufft, daer Tjalle Hymersma sijn anpart mede ynne hefft, uuthghesacht dat maet-
landt, kumpt Menno ende Ebelen vorg. allene tho, vrij ende quijdt arfflicken ende ewlicken tho bruyken, tho besytten, all hoeren
vrijen willen daermede t'doen ende vrij arffliken tho leveren ende waren mit alsulcken beschede offt Menne ende
Ebele vorg. enighe meer ander landen muchten hebben onder de clocken van Oldebert ende Mytwolde belegen
de men bevraghen offte voreyschen kunde, sullen yn desen kope arfflyken mede vorkofft syn, doch offt daer meer veen-
landen weer dan de veer ackers vors. dat sall tho Menno ende Ebelen vors. beste wesen. Vor ene summe gheldes de
Menno ende Ebele vorg. bekanden dat hem vull ende all ys betaelt. Sunder argelyst. Dat oirkunde wij myt unser stadt
seghel. Gegeven in den jaer uns Heren dusent viffhundert veerendeveertich, up avende Bartholomei apostoli, doe
Eltet tho Lellens, Everdt Mepsche, Reynt Albarda ende Albart Jarges borgermestere weren unser stadt.
le, sijn echte huesfrow, ende bekanden vor hem ende hoeren arffg. dat se yn enen stedenvasten arffkope hebben vorkofft, upghe-
draghen ende overgegeven der erbaren ende duchtighen juffer Beetken, naegelaten weduwen tho Ewsum, ende hoeren arffg.
Sickema heert ende Taynge heert gheleghen yn de westerclufft van Mydtwolde, daer Eneke Meetzema up 't oesten ende
Tiepko Douwema up 't westen myt Iwe Awema naest an gheswettet syn, myt allen gerechticheyden, heerlicheyden, karcksto-
len, karckgraven so Menno ende Ebele vorg. dat nu ter tijdt ghebruyken neetes uuthbesundert, hetsij hues, hoff, landt,
sandt, boem, struck, stock, bouwlandt, etlandt, maetlant, meenschaer, oick veer acker veens, liggende yn Jelt Tatema
heerdt yn Tolbert, daer Meyt Bunnema arffg. up 't westen, Jellert Fockens up 't oisten naest angheswettet syn, suytwart
uuthstreckende als ander vene myt ene vrije uuthmenninghe. Des strecken de beyde vorg. heerde landes myt de noirder-
einde up Traenbuerwech ende zuytwart an den dwarssloet up Vrenkema landt. Bet noch Hanniken kamp ghele-
ghen up de westersijdt van Tjalle Himersma hues, bet den halven heerdt landes, daer Johan Drewes nu up woent,
ghelegen tho Midtwolde yn de wester clufft, daer Tjalle Hymersma sijn anpart mede ynne hefft, uuthghesacht dat maet-
landt, kumpt Menno ende Ebelen vorg. allene tho, vrij ende quijdt arfflicken ende ewlicken tho bruyken, tho besytten, all hoeren
vrijen willen daermede t'doen ende vrij arffliken tho leveren ende waren mit alsulcken beschede offt Menne ende
Ebele vorg. enighe meer ander landen muchten hebben onder de clocken van Oldebert ende Mytwolde belegen
de men bevraghen offte voreyschen kunde, sullen yn desen kope arfflyken mede vorkofft syn, doch offt daer meer veen-
landen weer dan de veer ackers vors. dat sall tho Menno ende Ebelen vors. beste wesen. Vor ene summe gheldes de
Menno ende Ebele vorg. bekanden dat hem vull ende all ys betaelt. Sunder argelyst. Dat oirkunde wij myt unser stadt
seghel. Gegeven in den jaer uns Heren dusent viffhundert veerendeveertich, up avende Bartholomei apostoli, doe
Eltet tho Lellens, Everdt Mepsche, Reynt Albarda ende Albart Jarges borgermestere weren unser stadt.
x
| Archiv | Groninger Archieven |
|---|---|
| Bestand | H.A. Nienoord |
| Zugangsnummer | 626 |
| Inventarnr. | 49 |
| Jahr | 1544 |
| Datumcode | vBartho |