| Nummer:han052 | Datum:14 febr. 1546 | Überlieferung:Origineel | Fundstelle:H.A. Nienoord, inv.nr. 52 |
Lubbert Reynkens en Bawe, zijn vrouw, verkopen aan Beetke to Ewsum, weduwe van jr. Wigbolt van Ewsum, en haar kinderen een stuk veen liggende in Ypingheveen.
Rumbertus Bousema, pastoer tho Uuthweerda, bekenne ende belie overmidts dessen openen bezegelden breve dat voer
mij synt erschenen Lubbert Reynkens, mijn steeffvader, ende Bawe, zijn huesfrouwe, ende mijn lieve moder, bekanden ende belieden
voer oer ende oeren erffghenamen dat sie hadden vercoft, upghedraghen ende overghegheven, droeghen up ende gheven over in cracht
desses breves in enen steden ende vasten koep die erentveste, erbare unde vrome vrouwe vrow Beetke to Ewsum,
zalighe jonker Wigbolt van Ewsums, milder ghedachten, naghelaten weduwe mit oer e. unde vesten l. kynderen
een stucke veens ligghende in Ypinghe veen, langes Ypinghe steenhues omtrent, daer die voersichtighe unde e.
vrouwe to Ewsum upgemelt, solves veen up die westersijdt is ter swette ligghende ende Ywe Awema up die
oesterzijdt, so luttick ende groet als sie dat daer liggende ende suslange gebrueket hebben. Voer eene summa van pen-
ninghen welck sie bekanden oer vull ende all betaelt weren, die laeste penninck myt den eersten ende dankeden
oer vrouwe eer e. ende v. upgemelt gueder betalinge. Sunder alle argelist ende nye invonden. In enen oerkunde
desser waerheyt ende um meerder bevestenisse, soe heb ick Rumbertus Boussema, pastoer voerberoert mijn zegell
beneden an dessen breeff ghehanghen voer mijn steeffvaders ende l. moders vors. bede wille gescreven ende bezegelt.
In den jaer ons Heren dusent vijffhondert ende sesendeveertich up Sunte Valentijns dach.
mij synt erschenen Lubbert Reynkens, mijn steeffvader, ende Bawe, zijn huesfrouwe, ende mijn lieve moder, bekanden ende belieden
voer oer ende oeren erffghenamen dat sie hadden vercoft, upghedraghen ende overghegheven, droeghen up ende gheven over in cracht
desses breves in enen steden ende vasten koep die erentveste, erbare unde vrome vrouwe vrow Beetke to Ewsum,
zalighe jonker Wigbolt van Ewsums, milder ghedachten, naghelaten weduwe mit oer e. unde vesten l. kynderen
een stucke veens ligghende in Ypinghe veen, langes Ypinghe steenhues omtrent, daer die voersichtighe unde e.
vrouwe to Ewsum upgemelt, solves veen up die westersijdt is ter swette ligghende ende Ywe Awema up die
oesterzijdt, so luttick ende groet als sie dat daer liggende ende suslange gebrueket hebben. Voer eene summa van pen-
ninghen welck sie bekanden oer vull ende all betaelt weren, die laeste penninck myt den eersten ende dankeden
oer vrouwe eer e. ende v. upgemelt gueder betalinge. Sunder alle argelist ende nye invonden. In enen oerkunde
desser waerheyt ende um meerder bevestenisse, soe heb ick Rumbertus Boussema, pastoer voerberoert mijn zegell
beneden an dessen breeff ghehanghen voer mijn steeffvaders ende l. moders vors. bede wille gescreven ende bezegelt.
In den jaer ons Heren dusent vijffhondert ende sesendeveertich up Sunte Valentijns dach.
x
| Archiv | Groninger Archieven |
|---|---|
| Bestand | H.A. Nienoord |
| Zugangsnummer | 626 |
| Inventarnr. | 52 |
| Jahr | 1546 |
| Datumcode | Valent |