| Nummer:han670r | Datum:7 febr. 1564 | Überlieferung: | Fundstelle:H.A. Nienoord, inv.nr. 0670a, fol. 15v |
Ick Wigbolt van Ewssum, ridder en heer ten Nyenoert, bekenne
unde betuge in en vermidts desen openen besegelden brieve voor mij
en mijnen erfgenamen woe dat ick hebbe gegundt unde toegestaen,
gunne vermidts desen unde stae toe, den erbaren Ywe Auwema
unde sijn erfgenamen en nakomelingen en dat uuth sonderlinge oorsaken
af tho mogen voeren ofte voeren laeten, mit schepen alle haer torf
de Ywe Auwema voorschr. ofte sijn erfgenamen alle jaeren uuth
haer veenen mogen graven ofte graven laten, door den nye schipsloot
ofte nye diep, die ick Wigbolt van Ewssum voorschr. en heer
Johan van Ewssum, mijn lieve broeder, door de veenen en mede
door mijn landt hebbe laeten graven, en voort hen door de verlaten
en bruggen, haer torf vrij en veerdich, daer mede door ende langes
dat diep uuth tho voeren, daer ick Wigbolt van Ewssum voorschr.
ofte mijne erfgenamen en nacomelingen mijne torf langes en door
voere ofte voeren late, waer Ywe Auwema voorschr. ofte sijnen
erfgenamen des alderbest believen sal, sonder bespeeringe van
myr ofte mijnen erfgenamen en nakomelingen ofte emandt anders.
Sonder alle argelist en nye invonde. In orkunde der waerheydt soo
hebbe ick Wigbolt van Ewssum, ridder voorschr. mijnen ange-
boren segel witlijcken beneden an desen brief gehangen, gegeven
in den jaer ons Heeren, dusendt vijfhondert veerensestich,
den soevenden dach dea maents februarii. onderstont
Wigbolt van Ewssum,
ridder, scripsi.
unde betuge in en vermidts desen openen besegelden brieve voor mij
en mijnen erfgenamen woe dat ick hebbe gegundt unde toegestaen,
gunne vermidts desen unde stae toe, den erbaren Ywe Auwema
unde sijn erfgenamen en nakomelingen en dat uuth sonderlinge oorsaken
af tho mogen voeren ofte voeren laeten, mit schepen alle haer torf
de Ywe Auwema voorschr. ofte sijn erfgenamen alle jaeren uuth
haer veenen mogen graven ofte graven laten, door den nye schipsloot
ofte nye diep, die ick Wigbolt van Ewssum voorschr. en heer
Johan van Ewssum, mijn lieve broeder, door de veenen en mede
door mijn landt hebbe laeten graven, en voort hen door de verlaten
en bruggen, haer torf vrij en veerdich, daer mede door ende langes
dat diep uuth tho voeren, daer ick Wigbolt van Ewssum voorschr.
ofte mijne erfgenamen en nacomelingen mijne torf langes en door
voere ofte voeren late, waer Ywe Auwema voorschr. ofte sijnen
erfgenamen des alderbest believen sal, sonder bespeeringe van
myr ofte mijnen erfgenamen en nakomelingen ofte emandt anders.
Sonder alle argelist en nye invonde. In orkunde der waerheydt soo
hebbe ick Wigbolt van Ewssum, ridder voorschr. mijnen ange-
boren segel witlijcken beneden an desen brief gehangen, gegeven
in den jaer ons Heeren, dusendt vijfhondert veerensestich,
den soevenden dach dea maents februarii. onderstont
Wigbolt van Ewssum,
ridder, scripsi.
x
| Archiv | Groninger Archieven |
|---|---|
| Bestand | H.A. Nienoord |
| Zugangsnummer | 626 |
| Inventarnr. | 0670a |
| Fol. Nr. | fol. 15v |
| Jahr | 1564 |
| Datumcode | 0702 |