Brief van Idtssche Tijaerts aan Lubbe Rcnkema en Roelf Bruns, buurrechters te Marum en te Melijck, over de klacht door Beetke van Ewsum tegen hem ingediend ter zake van onbevoegd hout kappen.

Voer juu ersame Lubbe Renkema ende Roelff Bruns, buerrech-
ters toe Marum ende toe Melijck.
Antwort ick Idtssche Tyaerts up vrou Beetka van Ewsum
offte Raswerht myt hoer lyeven kynderen als se clagen om holt
ick hoer affgehouwen sulde hebben van hoer lant eenmael ende
andermael ende darde mael, daer ick Idtssche vorsc. up
segge dat ick Beetka van Raswerht, vrouwe ende weduwe
van Ewsum myt hoer lyeven kynderen geen holt van hoer lant
hebbe ghehouwen. Hebbe ick Idtssce holdt gehouwen hebbe ick van
mijn egen lant gehouwen ende nyet van hoer lant wante dat
vorsc. lant daer Beetka van Raswerht myt hoer lyeven kynderen
om spreken ende clagen dat vorsc. lant hefft mij mijn vader gearfft [doorgehaald: ende
mijn vader gearfft] ende mijn vader hefft dat vorsc. lant sijn levent
lanck rustelijck ende vredelijck onbespeert myt recht gebruckt ende ick
Idtssche vorsc. hebbe dat vorsc. lant na mijn vaders steerffdach
ock gebruckt rustelijck ende vredelijck, onbespeert myt recht
veerenveertych jaeren lanck dat zalyge Pape Fockema
mij nyewaerlde dat vorsc. lant bekroent ende noch bespeert
hefft myt recht daer vrou Beetka myt hor kynderen
van gekofft hebben ende ick Ydtssche holde mij in 't vreye
besyt ende egendoem des landes wante dysse landen daer
se om sprekende synt, leecht in mijn vaderlijke hoeffmate
daer mijn vader mij gearfft hefft, wante ick Idtssche vorsc.
stae van dysse vorsc. sake geen buerrechter toe rechten
om dattet roert van groen arve ende mij Idtssche vorsc.
is geen holt noch lant verboden van rechts wegen ende
ick dencke dysse sake an 't hoege recht toe versoeken.

x

x

Archiv	Groninger Archieven
Bestand	H.A. Nienoord
Zugangsnummer	626
Inventarnr.	678
Jahr	1540
Abweichung	20

x

x