Wy Borghermesteren en Raedt yn Groeninghen betueghen myt desen openen breve dat voer ons sint
ghekomen Focko Tyabbekens Johan syn huisfrouwe ende bekanden voer hem ende hoeren arffgenamen dat se
hebben verkofft upgedragen en overghegheven Gheerdt Krull Beerte syn huesfrowe ende hoeren
arffgenamen szodane sess embder gulden Jaerlyke ende arfflyke renten daer de breeff van spreekt
daer desse brieff durch ghetoghen ys vry ende quydt arfflyken ende ewelyken tho brueken besitten
oeck maenen ende boeren yn allen formen ende manieren als deselve brieff daer van
ynholdt ende uthwyset ende vry arfflyken tho waeren voor ene summe gheldes de Focko
ende Johan vorgen. bekanden dat hem vull ende all ys betaelt sunder arghelist. Dat
oerkunde wy myt unser Stadt Szegell Ghegeven inden jaeren unsen heren dusent
vyfhundert achtendevyfftich den dreendetwintichsten dach decembris Doe olde Johan
Hoernken, Johan Sickinghe, Albert Coenrades ende Johan tho Lellens Borgermesteren
weren unser Stadt.

x

x

Archiv	Groninger Archieven
Bestand	Arch. Hoge Justitiekamer
Zugangsnummer	136
Inventarnr.	0204
Jahr	1558
Datumcode	2312

x

x

Material	perkament