| Nummer:hjki0208 | Datum: | Überlieferung:Origineel | Fundstelle:Arch. Hoge Justitiekamer, inv.nr. 0208 |
Wy Bartolt Coenrades ende Teteke echte lueden bekennen ende betuehen mit dessen
oepenen breve voer ons ende onsen arffghenamen dat wy hebben verkoft upghedragen en
de oeverghegeven Doede Alberts up Aedwerder tichelwarck Dewer syn echte huesfrowe
ende hoeren arffghenamen twalff joechumdaler offte guede dicke penningen iaerlike ende erf
flike renten iaerlix tho betalen up midwinter offte vry schadeloes mit allen rechten tho
boeren ende tho manen uut onsen huese ende kelder daer wy nu ter tyt selven inne woenen
staende ande Brede Marckte daer Johan Valke upt noorden unde Focko Thiapkens upt zueden
naest angheswettet syn voert uut ende oever alle onse ander ghuederen binnen offte bueten
Groeningen woe ende waer de ghelegen moegen wesen ghene daer van uutbesondert vry ende
quydt unde vry arffliken daer uut tho leveren ende tho waren voer ene summe gheldes
de wy Bartolt ende Teteke voergen. bekennen dat ons vull ende all ys betaelt mit vor-
werden dat wy Bartolt ende Teteke voerscr. offte onse arffgenamen desse voerscreven
rente tho allen tyden weder aff vry ende quydt moegen koppen mit der voller
rente Sonder arghelist In oerkunde der waerheit hebbe ick Bartolt Conrades voerghe
noempt dessen breff myt mijn egen hant ghescreven unde tut meerder vestenisse
na dessen voer my ende mynen huesfrowe unde onser beider arffgenamen myn egen anghe-
born segel witliken an dessen breff ghehangen inden Jaere onses heren duesent vyff
hondert eenendesestich donredages na hillige dre koeningen.
DORSO: Noch ys mede bevorwerdet soe veer Doede ende Dewer
offte hoer arffghenamen tendes ses iaeren naestkoemende
desse voerscr. ....... wederumme bedarveden sollen se dat
een halff iaer the voeren anseggen Alsdan sollen wy offte
onse arffghenamen altoes verplichtet syn hen de principaell
myt de rente wederumme tho lossen.
oepenen breve voer ons ende onsen arffghenamen dat wy hebben verkoft upghedragen en
de oeverghegeven Doede Alberts up Aedwerder tichelwarck Dewer syn echte huesfrowe
ende hoeren arffghenamen twalff joechumdaler offte guede dicke penningen iaerlike ende erf
flike renten iaerlix tho betalen up midwinter offte vry schadeloes mit allen rechten tho
boeren ende tho manen uut onsen huese ende kelder daer wy nu ter tyt selven inne woenen
staende ande Brede Marckte daer Johan Valke upt noorden unde Focko Thiapkens upt zueden
naest angheswettet syn voert uut ende oever alle onse ander ghuederen binnen offte bueten
Groeningen woe ende waer de ghelegen moegen wesen ghene daer van uutbesondert vry ende
quydt unde vry arffliken daer uut tho leveren ende tho waren voer ene summe gheldes
de wy Bartolt ende Teteke voergen. bekennen dat ons vull ende all ys betaelt mit vor-
werden dat wy Bartolt ende Teteke voerscr. offte onse arffgenamen desse voerscreven
rente tho allen tyden weder aff vry ende quydt moegen koppen mit der voller
rente Sonder arghelist In oerkunde der waerheit hebbe ick Bartolt Conrades voerghe
noempt dessen breff myt mijn egen hant ghescreven unde tut meerder vestenisse
na dessen voer my ende mynen huesfrowe unde onser beider arffgenamen myn egen anghe-
born segel witliken an dessen breff ghehangen inden Jaere onses heren duesent vyff
hondert eenendesestich donredages na hillige dre koeningen.
DORSO: Noch ys mede bevorwerdet soe veer Doede ende Dewer
offte hoer arffghenamen tendes ses iaeren naestkoemende
desse voerscr. ....... wederumme bedarveden sollen se dat
een halff iaer the voeren anseggen Alsdan sollen wy offte
onse arffghenamen altoes verplichtet syn hen de principaell
myt de rente wederumme tho lossen.
x
| Archiv | Groninger Archieven |
|---|---|
| Bestand | Arch. Hoge Justitiekamer |
| Zugangsnummer | 136 |
| Inventarnr. | 0208 |
| Register Feith | 1561.136 |
| Jahr | 1561 |
| Datumcode | JpEpipha |