| Nummer:hjki0228 | Datum:23 febr. 1565 | Überlieferung:Origineel | Fundstelle:Arch. Hoge Justitiekamer, inv.nr. 0228 |
Johan Condors ende Rixte Aykema echt luyden doen kundt lyen ende bekennen in ende vermydes desen openen breve vor uns ende unsen
arffgenamen dat wy hebben verkoefft upghedragen ende overgegheven de vochden van sunct Antonyus gasthuys ghelegen
binnen Gronnynghen unde horen nakomelinghen ses daler yaerliker ende arfflyker rente thot vertich gronnnyngher stuvers vor datum des
breves ghemuntet yder daler gherekent tho betalen yaerlykes ende alle yaren unveryaret up catedra Petri dage tho betalen
offte vry schadeloes ghelt myt hoefftmans mandaten unde alle anderen ghestlich offte wartlich inthomanen ende tho boren uuth unsen
heert landes tho Adorp gheleghen seo groedt ende kleyn de Fedde Yacops ende Harmen Hindrickxs brukenden sinnen unde vordt uuth
ende over unse ander landen ende guederen de wy nu rede hebben ende noch verkrijghen moghen van allen ghene uuthbesundert woe ende
ende (sic) waer de oeck gelegen moghen wesen vry ende quydt ende fry arfflyken de verscr. rente myt sampt de princepaell dar uuth
tho leveren ende tho waren vor ene summe geldes dat wy bekennen dat uns vul ende al betalet is Myt forwerden dat wy
Johan Conders offte Rixte Aykema offte unsen arffgenamen desen verscr. rente mogen wedde afflossen unde quydt kopen
myt hundert daler de daler vor vertich stuver groningher gherekent inde mitten vuller rente verscr. payements
sunder alle arch und list in orkunde deer warheyt soe hebbe ick Iohan Conders verscr. vor my und myren
huysfrowen sampt unser beyder arffgenamen mynen angheboren arff segel hir under an desen breff ghehanghen ende noch
thot merer bevestenisse van desen hebben wy Johan Conders unde Rixte echte luijden verscr. ein yder unse name mit
eighener handt hir under ghescreven inden yar uns heren dusent viff hundert viff ende sestich den XXIII februari
Johan Conders (handtekening) Ryxte Aykema (handtekening).
arffgenamen dat wy hebben verkoefft upghedragen ende overgegheven de vochden van sunct Antonyus gasthuys ghelegen
binnen Gronnynghen unde horen nakomelinghen ses daler yaerliker ende arfflyker rente thot vertich gronnnyngher stuvers vor datum des
breves ghemuntet yder daler gherekent tho betalen yaerlykes ende alle yaren unveryaret up catedra Petri dage tho betalen
offte vry schadeloes ghelt myt hoefftmans mandaten unde alle anderen ghestlich offte wartlich inthomanen ende tho boren uuth unsen
heert landes tho Adorp gheleghen seo groedt ende kleyn de Fedde Yacops ende Harmen Hindrickxs brukenden sinnen unde vordt uuth
ende over unse ander landen ende guederen de wy nu rede hebben ende noch verkrijghen moghen van allen ghene uuthbesundert woe ende
ende (sic) waer de oeck gelegen moghen wesen vry ende quydt ende fry arfflyken de verscr. rente myt sampt de princepaell dar uuth
tho leveren ende tho waren vor ene summe geldes dat wy bekennen dat uns vul ende al betalet is Myt forwerden dat wy
Johan Conders offte Rixte Aykema offte unsen arffgenamen desen verscr. rente mogen wedde afflossen unde quydt kopen
myt hundert daler de daler vor vertich stuver groningher gherekent inde mitten vuller rente verscr. payements
sunder alle arch und list in orkunde deer warheyt soe hebbe ick Iohan Conders verscr. vor my und myren
huysfrowen sampt unser beyder arffgenamen mynen angheboren arff segel hir under an desen breff ghehanghen ende noch
thot merer bevestenisse van desen hebben wy Johan Conders unde Rixte echte luijden verscr. ein yder unse name mit
eighener handt hir under ghescreven inden yar uns heren dusent viff hundert viff ende sestich den XXIII februari
Johan Conders (handtekening) Ryxte Aykema (handtekening).
x
| Archiv | Groninger Archieven |
|---|---|
| Bestand | Arch. Hoge Justitiekamer |
| Zugangsnummer | 136 |
| Inventarnr. | 0228 |
| Jahr | 1565 |
| Datumcode | 2302 |