| Nummer:hmd1623 | Datum: | Überlieferung:Origineel | Fundstelle:H.A. Menkema-Dijksterhuis, inv.nr. 1623 |
In nomine domini Amen. Ick Ode Ponta to Dycke bekenne ende bethughe in dessen breve voer my ende voer mynen arffghenamen
dat ick mit vryen willen ende mitgghueden voerberaden moede by wyser lude raed over gegheven hebbe ende toe ghestaen
ende noch teghenwordich mit kraft desses breves to sta ende over gheve Johan Renghers van den Poste mynen swagher
to Ditmer Renghers syns zoens behoeff ende hoeren arffgenamen myn husynghe ende hemynghe to Dyke myt allen den landen ende
erven bynnen dycks off buten dykes in onsen Redsschop gheleghen mit der heerlycheyt ende al oren to behoren de Ick Ode
vorscr. to desser tyt to hebbe ghebruket behalven de gude ende arve de Ick na inholt myns testamentes ende myt breven voer desen
daghe voer andersaet hebbe Ende wil dat Johan Rengher hylixz breeff mit mynre nychte Ffrouken standachtich ende van werden
sal blyven by concent mynre arffgenamen in der tyt mit vele guder manne zeghel bezeghelt is myt alle der levendighe haven huysrade
ende tilber ghuden de Ick nu ter tyt hebbe Beholden myn testament syn volmacht Ende want dan syn voergen. hillixz breeff begrepen
heft dat myn ander arffgenamen sullen so veel daer enteghen hebben See hoepe ick dat ellick nu van myn arffgenamen myns gudes
soe veel off daer by wal ghenoten heft van my Oden vorscr. als Dyckster heerd myt synen lande vorscr. belopen mach de my
so sibbe syn als my zalighe Ffrouke was. Hadde oeck yemant van desen dryen arffgenamen myn dan vorscreven is dat geve
Ick em noch mit ghuden willen uuth myner anderen ghuden elken by synen heerden naest gheleghen Soe dat elkes heert
ende guet dat se van my ghenoeten moghen hebben allyke guet sal wesen ende dan ter lyker scheydinghe gaen wat daer
meer blyft van mynen guden de ick nae late de nyet vorgheven noch voer ander saet en syn als vorscr. is want my de vyer
nychten enen sybbe synnen en weren desse vorscr. gave overghifte ende vorwerden sullen tot ewyghen daghen vast ende onver
broeken gheholden blyven voer my ende voer mynen arffghenamen want myn wylle alle tyt so ghewest heft Ende noch
myn leste wylle so is arffliken to blyven alzo vorscr. is Sunder arghe yst off yenighe hulpreden ende nye vonden daer
ynne to trecken daer men dessen breeff ende synen eersten vorscr. hillixz breeff off mynen lesten willen vorscr. mede
mochte krencken offte invechten in yenigher wys Hyer hebben an ende over ghewesen ersamen heren Her Jacob
Abt in der Marna, Her Aylke Cureet in sunte Petersburen her Johan Cureet to Maerahusen Ende Buel Wybkama ende Olffter
by der kercken weddemans in sunte Petersburen weddmans wyse daer over ghenomen ende anders guder lude ghe-
noch In Orkunde der waerheyt hebben wy Jacobus Abbed vorscr. ende Aylatus ende Johannes Cureten voergenoempt Onse
zeghelen an dessen breeff ghehanghen Datum in den jaer onsses heren dusent veerhundert ende veyerendetsestich
up den vrydach na onser leven vrouwen dach to lychtmissen.
DORSO: den gave breef van Dyckhues. B
Zegels verloren.
dat ick mit vryen willen ende mitgghueden voerberaden moede by wyser lude raed over gegheven hebbe ende toe ghestaen
ende noch teghenwordich mit kraft desses breves to sta ende over gheve Johan Renghers van den Poste mynen swagher
to Ditmer Renghers syns zoens behoeff ende hoeren arffgenamen myn husynghe ende hemynghe to Dyke myt allen den landen ende
erven bynnen dycks off buten dykes in onsen Redsschop gheleghen mit der heerlycheyt ende al oren to behoren de Ick Ode
vorscr. to desser tyt to hebbe ghebruket behalven de gude ende arve de Ick na inholt myns testamentes ende myt breven voer desen
daghe voer andersaet hebbe Ende wil dat Johan Rengher hylixz breeff mit mynre nychte Ffrouken standachtich ende van werden
sal blyven by concent mynre arffgenamen in der tyt mit vele guder manne zeghel bezeghelt is myt alle der levendighe haven huysrade
ende tilber ghuden de Ick nu ter tyt hebbe Beholden myn testament syn volmacht Ende want dan syn voergen. hillixz breeff begrepen
heft dat myn ander arffgenamen sullen so veel daer enteghen hebben See hoepe ick dat ellick nu van myn arffgenamen myns gudes
soe veel off daer by wal ghenoten heft van my Oden vorscr. als Dyckster heerd myt synen lande vorscr. belopen mach de my
so sibbe syn als my zalighe Ffrouke was. Hadde oeck yemant van desen dryen arffgenamen myn dan vorscreven is dat geve
Ick em noch mit ghuden willen uuth myner anderen ghuden elken by synen heerden naest gheleghen Soe dat elkes heert
ende guet dat se van my ghenoeten moghen hebben allyke guet sal wesen ende dan ter lyker scheydinghe gaen wat daer
meer blyft van mynen guden de ick nae late de nyet vorgheven noch voer ander saet en syn als vorscr. is want my de vyer
nychten enen sybbe synnen en weren desse vorscr. gave overghifte ende vorwerden sullen tot ewyghen daghen vast ende onver
broeken gheholden blyven voer my ende voer mynen arffghenamen want myn wylle alle tyt so ghewest heft Ende noch
myn leste wylle so is arffliken to blyven alzo vorscr. is Sunder arghe yst off yenighe hulpreden ende nye vonden daer
ynne to trecken daer men dessen breeff ende synen eersten vorscr. hillixz breeff off mynen lesten willen vorscr. mede
mochte krencken offte invechten in yenigher wys Hyer hebben an ende over ghewesen ersamen heren Her Jacob
Abt in der Marna, Her Aylke Cureet in sunte Petersburen her Johan Cureet to Maerahusen Ende Buel Wybkama ende Olffter
by der kercken weddemans in sunte Petersburen weddmans wyse daer over ghenomen ende anders guder lude ghe-
noch In Orkunde der waerheyt hebben wy Jacobus Abbed vorscr. ende Aylatus ende Johannes Cureten voergenoempt Onse
zeghelen an dessen breeff ghehanghen Datum in den jaer onsses heren dusent veerhundert ende veyerendetsestich
up den vrydach na onser leven vrouwen dach to lychtmissen.
DORSO: den gave breef van Dyckhues. B
Zegels verloren.
x
| Archiv | Groninger Archieven |
|---|---|
| Bestand | H.A. Menkema-Dijksterhuis |
| Zugangsnummer | 623 |
| Inventarnr. | 1623 |
| Jahr | 1464 |
| Datumcode | VpPurMar |