| Nummer:kfh016 | Datum:11 april 1417 | Überlieferung:Vidimus | Fundstelle:Arch. Klerken- en fraterhuis, inv.nr. 0169, reg. 016 |
Wy Jarig Scultema van Rasquart Hideke to Rasquart sculte ende Tamme Scultema gebrodere Hideken soens vorscr. doen kund ende kenlick allen luden mit desen openen breve dat wie mit gueden vryen willen ende voerbedachten berade voer ons ende onse erfgenamen hebben vercofft
ende vercopen eerflike ende ewelijke Henric Beyer ende sinen erfgenamen een steenhues geheiten Alricsma hues gelegen to Dykes horne in Hunsege lant mit heminge ende mit dre ende dertichgrase landes daer de heminge mede in gerekent is mit Retgen rechte mit heerlic-
heit ende mit allen den rechten dat daer op vallet ende mit alle sine toebehoeren om een summe van gelde de ons Henric vorscr. tot onsen willen voll ende all betaelt hevet van welken lande gelegen is een kamp bynnen dykes mit den heeme dat daer hues op staet van viertien
grase landes daer by leget op de noerdzide der hilligen lant van Dykes horne daer int oesterende by leget Alric Eysinge erve ende Hibelen erve to Dykes horne ende an de zuedzide Onste kinder erve Item een kamp van teen grace landes buten dykes die gelegen is tegens
dat huese ende strecket sick wanden dyke ynt weste daer by leget op de noerdzide ende op de suderzide der hilligen erve vorscr. ende in dat weste Onster kinder erve Item een kamp van negen grase landes de sich strecket op dat weste op de olden Ee geheten inden Ach daer
by leget op de noerdzide der hilligen erve vorscr. ende Hibelen erve vorscr. op de zuderzjd ende Onste kinder erve in dat oestende Ende dit vorscr. hues ende lant mit sinen toe behoer als vorscr. is hebbe wy Jarich Hideke schulte ende Tamme vorscr. op gedragen ende dregen op Henrick
vorscr. ende sinen erfgenamen vry ende quijt mit allen rechte en ende egedome eerfliken ende ewelijken toe bruken ende to besitten to settene to vercopen toe verwysselen ende sinen vryen willen daer mede to done sonder onsen ende onser eerfgenamen wederseggen Voert so sin voerworde
weert dat wi Henric vorscr. ende sinen eerfgenamen dit vorscr. hues ende lant nyet waren en kunden, so wes hinder Henrick vorscr. off sijn eerfgenamen daer by leden den mach he off syn erfgenamen soeken ende nemen uut all onsen guede daert hem genoeget in Hunsege off in Fivelge
Voert so sulle wie Henric off sinen eerfgenamen gheven enen transfix doer desen breeff van desen coepe onder des kercheren segel van Bafflo als daer een kerchere is Ende want wy Jarig Hideke schulte ende Tamme vorscr. op dese tyt gheen eyghen segell en hebben so hebben wy
gebeden den borgermeisteren ende rade in Groningen ende den regteren vanden halven Amptes desen breeff over ons to besegelen Ende wy borgermeistere ende raed ende rechtere vorscr. om bede willen deser vorscr. lude hebben onser stad segel ende Amptes segel beneden an desen breef
gehanghen tot enen tugen deser waerheit Gegeven int jaer ons heren dusent vierhondert ende seventiene op sente Leonis dach pawes.
ende vercopen eerflike ende ewelijke Henric Beyer ende sinen erfgenamen een steenhues geheiten Alricsma hues gelegen to Dykes horne in Hunsege lant mit heminge ende mit dre ende dertichgrase landes daer de heminge mede in gerekent is mit Retgen rechte mit heerlic-
heit ende mit allen den rechten dat daer op vallet ende mit alle sine toebehoeren om een summe van gelde de ons Henric vorscr. tot onsen willen voll ende all betaelt hevet van welken lande gelegen is een kamp bynnen dykes mit den heeme dat daer hues op staet van viertien
grase landes daer by leget op de noerdzide der hilligen lant van Dykes horne daer int oesterende by leget Alric Eysinge erve ende Hibelen erve to Dykes horne ende an de zuedzide Onste kinder erve Item een kamp van teen grace landes buten dykes die gelegen is tegens
dat huese ende strecket sick wanden dyke ynt weste daer by leget op de noerdzide ende op de suderzide der hilligen erve vorscr. ende in dat weste Onster kinder erve Item een kamp van negen grase landes de sich strecket op dat weste op de olden Ee geheten inden Ach daer
by leget op de noerdzide der hilligen erve vorscr. ende Hibelen erve vorscr. op de zuderzjd ende Onste kinder erve in dat oestende Ende dit vorscr. hues ende lant mit sinen toe behoer als vorscr. is hebbe wy Jarich Hideke schulte ende Tamme vorscr. op gedragen ende dregen op Henrick
vorscr. ende sinen erfgenamen vry ende quijt mit allen rechte en ende egedome eerfliken ende ewelijken toe bruken ende to besitten to settene to vercopen toe verwysselen ende sinen vryen willen daer mede to done sonder onsen ende onser eerfgenamen wederseggen Voert so sin voerworde
weert dat wi Henric vorscr. ende sinen eerfgenamen dit vorscr. hues ende lant nyet waren en kunden, so wes hinder Henrick vorscr. off sijn eerfgenamen daer by leden den mach he off syn erfgenamen soeken ende nemen uut all onsen guede daert hem genoeget in Hunsege off in Fivelge
Voert so sulle wie Henric off sinen eerfgenamen gheven enen transfix doer desen breeff van desen coepe onder des kercheren segel van Bafflo als daer een kerchere is Ende want wy Jarig Hideke schulte ende Tamme vorscr. op dese tyt gheen eyghen segell en hebben so hebben wy
gebeden den borgermeisteren ende rade in Groningen ende den regteren vanden halven Amptes desen breeff over ons to besegelen Ende wy borgermeistere ende raed ende rechtere vorscr. om bede willen deser vorscr. lude hebben onser stad segel ende Amptes segel beneden an desen breef
gehanghen tot enen tugen deser waerheit Gegeven int jaer ons heren dusent vierhondert ende seventiene op sente Leonis dach pawes.
x
| Archiv | Groninger Archieven |
|---|---|
| Bestand | Arch. Klerken- en fraterhuis |
| Zugangsnummer | 1237 |
| Inventarnr. | 0169 |
| Regestnr. | 016 |
| Register Feith | 1475.001.2 |
| Jahr | 1417 |
| Datumcode | Leonis |