| Nummer:kfh035 | Datum:4 febr. 1436 | Überlieferung:Origineel | Fundstelle:Arch. Klerken- en fraterhuis, inv.nr. 0157, reg. 035 |
Wy Borgermeyster [...] .aed in Groningen bekennen ende tughen mit dessenopenen breve dat Henrick
van Borck, Sygher Johanse zone, Gheedt sadelmaker ende Clawes Reberch vogheden van sunte Walburgen
kercke in onser Stad voir ons ghekomen bekanden samentlike dat zie by raede ende consente heren mester
Johans Jacobi Cureit toe sunte Marten in onser Stad die daer yawoirt toe gaf hebben verhuyrt
ende verhuyrden voir em ende voir ere nakomelingen vogheden in ore stede vander kercke weghen voirscr.
Johanne Kannekyn ende zinen erfgenamen Een stucke erves Drie roeden ende Drie voeten langk tot ewygher
hure des jaers voir Twe Philippus schilde dat klinckarde heten ofte payment dat daer guet voir is
jaerlix te betalen als Stadrecht is. Dit voirscr. stucke erves is gheleghen tendes an sunte Martens
kerchof int oosten ende plach der Schuttendoel te wesen inde noirderhorne vanden kerchove voirscr.
so veer indat noirden als der kercken van sunte Walburgen daer toe hoirt ende strecket indat
zuden so veer ende so langk als voirscr. is Dat orkonde wy mit onser Stad zeghele Ghegeven inden
Jaer onss heren Dusentvierhondert sessendedertich in sunte Agheten avende Do Wybrant Klant,
Henrick Kater, Ludekyn Wigboldis ende Evert Jarichs Burgermeystere weren onser Stad.
van Borck, Sygher Johanse zone, Gheedt sadelmaker ende Clawes Reberch vogheden van sunte Walburgen
kercke in onser Stad voir ons ghekomen bekanden samentlike dat zie by raede ende consente heren mester
Johans Jacobi Cureit toe sunte Marten in onser Stad die daer yawoirt toe gaf hebben verhuyrt
ende verhuyrden voir em ende voir ere nakomelingen vogheden in ore stede vander kercke weghen voirscr.
Johanne Kannekyn ende zinen erfgenamen Een stucke erves Drie roeden ende Drie voeten langk tot ewygher
hure des jaers voir Twe Philippus schilde dat klinckarde heten ofte payment dat daer guet voir is
jaerlix te betalen als Stadrecht is. Dit voirscr. stucke erves is gheleghen tendes an sunte Martens
kerchof int oosten ende plach der Schuttendoel te wesen inde noirderhorne vanden kerchove voirscr.
so veer indat noirden als der kercken van sunte Walburgen daer toe hoirt ende strecket indat
zuden so veer ende so langk als voirscr. is Dat orkonde wy mit onser Stad zeghele Ghegeven inden
Jaer onss heren Dusentvierhondert sessendedertich in sunte Agheten avende Do Wybrant Klant,
Henrick Kater, Ludekyn Wigboldis ende Evert Jarichs Burgermeystere weren onser Stad.
x
| Archiv | Groninger Archieven |
|---|---|
| Bestand | Arch. Klerken- en fraterhuis |
| Zugangsnummer | 1237 |
| Inventarnr. | 0157 |
| Regestnr. | 035 |
| Register Feith | 1436.001.1 |
| Jahr | 1436 |
| Datumcode | vAgathe |