| Nummer:kfh077 | Datum: | Überlieferung:Origineel | Fundstelle:Arch. Klerken- en fraterhuis, inv.nr. 0155, reg. 077 |
Wy borgermestere ende Raed in Groningen betugen myt dessen openen breve dat voer ons is gekomen her
Nycolaus Poete priester in onser stad ende bekande voer em ende sine erffgenamen dat hie hevet verkofft up
gedragen ende overgegeven den vogeden ende procuratores van sunte Gertrude gasthuus in Peperstrate in onser stad
tot behoeff des gasthuuses vorscr. syn halve huus ende hofstede achter ende voer myt alle sinen tobehoren
gelegen an de zuuderzyde in sunte Johansstrate up de oesterhorne van der straten daer Gertrud Karels kameren
ende erve naest by licht an de zuuderzud ende sunte Johans strate an de norderzyd alze heren Nycolaus dat van
Wobben Gherlacus synre moyen saliger gedachte angestorven ende angeeruet is daer den vorscr. gasthuuse die
ander helffte van tobehoert vry ende quijt ewliken ende erffliken myt allen rechte ende eygendome to bruken
ende to besitten voer ene summe geldes de Her Nycolaus vorgen. bekande dat Em vull ende all is betaelt
Beholden heren Johanne Nycolai in den vorscr. halven huuse ende hofstede drie gulden rente teyn vleemschen
voer den gulden gerekent Item Johan Keneman enen halven gulden rente Ende Johannes Petri derden halven gulden
rente na inholt oere breve sunder argelist Dat orkonde wy myt onser stad zegell Ghegeven in den Jaer
ons heren dusent vierhundert een ende tsestich up sunte Laurenciusavent martiris Doe Henrick Kater Gosen
van den Grave. Dirick Scaffer ende Johan Tedema borgermestere waeren onser stad.
Nycolaus Poete priester in onser stad ende bekande voer em ende sine erffgenamen dat hie hevet verkofft up
gedragen ende overgegeven den vogeden ende procuratores van sunte Gertrude gasthuus in Peperstrate in onser stad
tot behoeff des gasthuuses vorscr. syn halve huus ende hofstede achter ende voer myt alle sinen tobehoren
gelegen an de zuuderzyde in sunte Johansstrate up de oesterhorne van der straten daer Gertrud Karels kameren
ende erve naest by licht an de zuuderzud ende sunte Johans strate an de norderzyd alze heren Nycolaus dat van
Wobben Gherlacus synre moyen saliger gedachte angestorven ende angeeruet is daer den vorscr. gasthuuse die
ander helffte van tobehoert vry ende quijt ewliken ende erffliken myt allen rechte ende eygendome to bruken
ende to besitten voer ene summe geldes de Her Nycolaus vorgen. bekande dat Em vull ende all is betaelt
Beholden heren Johanne Nycolai in den vorscr. halven huuse ende hofstede drie gulden rente teyn vleemschen
voer den gulden gerekent Item Johan Keneman enen halven gulden rente Ende Johannes Petri derden halven gulden
rente na inholt oere breve sunder argelist Dat orkonde wy myt onser stad zegell Ghegeven in den Jaer
ons heren dusent vierhundert een ende tsestich up sunte Laurenciusavent martiris Doe Henrick Kater Gosen
van den Grave. Dirick Scaffer ende Johan Tedema borgermestere waeren onser stad.
x
| Archiv | Groninger Archieven |
|---|---|
| Bestand | Arch. Klerken- en fraterhuis |
| Zugangsnummer | 1237 |
| Inventarnr. | 0155 |
| Regestnr. | 077 |
| Register Feith | 1461.004.1 |
| Jahr | 1461 |
| Datumcode | vLauren |