Voer den E. unde vromen Johan Hyddynge
redger tho Scharmer
soe repliceer yck Aepke Onsta durch mynen
volmachtygen yn myne overgheven lybell genomeneert
up sodane antwort als de heren des clarckhuses
yn Groningen up mine libell overgegeven hebben unde segge
myt den horsten(?) dat ick my de landen genomeneert
yn hoer besegelde breeff nyet bekrone dat myne
woeste landen daer de breeff nyet van spre-ckt
de selve Johan Luytenss nuu bewoent de solve
landen se hoer gewaldelyken hebben onderwonden
de byden heer als eene woeste heyde woest unde
onbewoent synt geweest hebbe oeck nyet geweten
der broder .orst unde vermeten ... mysbruyck Eer
yck van wanrane(?) daer voeraner reedt up de
yacht unde hebbe geseen dat myne olders
woeste veen unde heyde betymmert was dat
selve mij nyet weynych bevrende onde verstoerde
soe seer hebbe yn hetsyger boser mode dye
bueren aldoe by my weren gevraget wye de landen
betymmert hadde ys my angesecht dat dye
gode heren alsulx doen laten des hebbe yck van
stonden an myt rechte gesproken des hebben de sulven
heren gewygert myne clage to beantworden Soe
dan desse sulve saeke tho nye landrecht wedder
gewesen ys begheer noch myne landen ven stonden an
vry wedder gemaket worden na ynholt myne avergeven
libell Dyt tot rechtes kennynge

x

x

Archiv	Groninger Archieven
Bestand	Arch. Klerken- en fraterhuis
Zugangsnummer	1237
Inventarnr.	0066
Regestnr.	319
Register Feith	1558.003
Jahr	1558

x

x

Material	papier