Syard Galcesma en Asse, echtelieden te Wadwerd, verklaren te zijn ingetreden in het klooster Wijtwerd en te hebben overgedragen aan het klooster hun huis, heem en wierdeland te Wadwerd.

Wy Syard Galtesma ende Asse echte lude to Watwert, kerspels lude to Usquard doen kundich
allen luden ende bekennen ende betughen myt dessen openen breve dat wy um unser
zyelle zalicheyt to Wiitwert to convente gaen sin ende den heylghen orde ende dat cruce
aldaer untfanghen hebben Ende hebben gode, sunte Johannes baptiste ende den mene convente
vorsc. over ghegheven unse hues ende unse hemynghe ende alle unse wyarde to Watwert
met allen hore to behore utgheseghet een juc landes in Barleda hirna daer wy unser
vryen willen mede doen moghen voert meer so hebbe wy den vorsc. convente overghe-
gheven al unse erve ende land dat wy leggende hebben to Watwert in Watwerdera ham-
mercke utgheseghet Smydinghe fenne by der munyck fenne de wy den hyelghen to Usquard
over ghegheven hebben Item so hebbe wy den vorsc. convente over ghegheven fiiff hundert
landes leggende den conventes lande vorsc. to der zwatte an Elsinghe lande Ende gheven den
vorsc. convente ful macht dit vorsc. hues, hemynghe wyarde erve ende land dat wy hem over-
ghegheven hebben als vorsc. is to bysitten ende to vercopen ende alle horen vryen willen
mede to doen sunder jennygher hande an sprake hiir hebben an ende over gewezen Oesd
wedman to Watwert ende Gherke wedman to Ayllardahusen In orkund besegelt met her Wychers
provest to Usquard segel ende myt onsen amptes segel van den Oesterampte ghegheven int
jaer uns heren dusent CCCC ende soventyen up sunte Peters avent in Kathedra.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	243
Regestnr.	98
Olim	Arch. Klooster Wijtwerd, inv.nr. 20, reg. 44. Reg. Feith 1417.10.
Jahr	1417
Datumcode	vCatPet

x

x

Kommentar	Met het zegel van het Oosterambt; het zegel van Wycher, proost te Usquert is verloren

x

Material	perkament