Folker van Echten heeft verkocht en bij stokligging geleverd aan de abdis en het klooster te Essen zijn tiende, gelegen tussen Helpman en Haren. Johan van Echten Folkerszoon verklaart bij de stoklegging getuige te zijn geweest.

Ich Folker van Echten doe kundich allen lueden de dessen breef sien of horen lezen dat ich om Godes
willen ende mynre ende mynre vreende zielen zalicheit over gheven ende vercoft hebbe voer ene summe
gheldes de my wel ende al betaelt is der abdissen ende den ghemenen convente van Essen van sunte Bernaerds
oerde mynen tenden de gheleghen is tusschen Helpman ende Haeren myt allen synen rechte ende eghendoem
ewelike te ghebruken ende te besitten daer ich hem voer de buere van Helpmen den stock af gheleghet
hebbe toe lantrechte ende sal hem den waren voer alle de ghene de des toe rechte willen comen. In oerkun-
de heb ic mijn zeghel an dessen breef ghehanghen ende hebbe ghebeden Lubbert Esschinck schulten des gherich-
tes van Zeelwert dessen breef med my te bezeghelen. Ende ich Johan van Echten Folkeers soene bekenne ende
betueghe in dessen zelven breve dat ick hijer an ende over gheweest hebbe ende bi mynen willen ende wolboert
gheschien is ende heb der abdissen ende ghemenen convente van Essen voerscreven ghelovet, weert saeke dat sy ye
mant hinderen wolde an dessen tenden voerscreven mit naercoep, dat ic dan den naercoep bereeden sal tot der
abdissen ende des conventes behoef voerscreven daer ich hem tot enen tueghe ock den stock af gheleghet hebbe
voer de buere van Helpman voerscreven. In oerkunde hebbe ich ghebeden Lubbert Esschinck schulte voerscreven des-
sen breef voer my to bezeghelen want ich zelven gheens zeghels en gebrueke. Ende ich Lubbert Esschinck
schulte des gherichtes van Zeelwert want ich hijr an ende over gheweest hebbe, soe heb ic omme bede willen
Folkeers ende Johans voerscreven mijn seghel mede an dessen breef ghehanghen. Ende hijr hebben mede an ende
over gheweest Seleken van Haeren, Johan Ludikens ende Bruen ende de buere van Helpmen ende anders
voele gueder luede ghenoech. In den jaer ons heren dusent vierhundert ende twintich op sunte Jacobs
dach.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	184
Regestnr.	110
Olim	Arch. Klooster Essen, inv.nr. 4, reg. 19. Reg. Feith 1420.20.
Jahr	1420
Datumcode	Jacobi

x

x

Kommentar	Met de zegels van Folker van Echten en van Lubbert Esschink, ambtman van Selwerd

x

Material	perkament

x