Abt en klooster te Selwerd, die van het klooster te Wittewierum, Jonge Egbert en Butte te Nijenzijl, Tamma Luppinga, Oesbrant Slichtinga, Leinre en Ubbe Fockema op de Zijldijk en Menolt Byndysma sluiten een overeenkomst betreffende de eigendom van de uiterdijk.

Wy Abbaten ende conventsluden van Selwert
ende Werum jonge Egbert ende Butte to den nyen-
zyl Tamma Luppinge Oesbrant Slichtinga, leinze
ende ubbe fockema up den zyldyck ende Menolt
byrdysma, doen kundich ende openbaer alden ge-
nen die dessen breeff sollen seen off hoeren lesen
dat wy hebben geholden eendrachtlycken onder
ons enen voergeraemden dach als van onsen lan-
de dat wy myt malkanderen up den hogen uter-
dyck hebben ende een iewelyck onser heft syn
bewys daer by bracht ende bewysede hoe man-
nyge schaer dat he up den uterdyck plege to heb-
ben also dat ons des mande rades duchte, dat Godt
myt syner genade onse lant hadde vermeret, daer
Godt dat ewyge loff moet van hebben waer umme
soe worden wy des to rade, dat wy een iuwelycke
onser vorscr. oerloff gaven, hyrna de vyfte scheer
meer up den uterdyck to bruken als he to voeren
hadde tot ewygen dagen Ende alsoe hebben die
conventes luden van Selwert up den uterdyck
voerbenoempt XV scheer ende dat convent van
werum CCL scheer Oesbrant Schyltinga VI en-
de een [enige witte ruimte] gras, Item Tamma luppinga XV
scheer Item Butte by den nyen zyl XVI scheer, Jon-
ge Egbert XIII scheer leimme vorscr. XI scheer, mo-
nolt vorscr. vyff scheer ubbe fockema V scheer Item
eentyoch ende orkunde desser vorscr. delinge
ende dedinge soe hebben wy dessen vorscr. breeff
bezegelen laten myt des Abtes szgel to Selwert
myt des abtes to Werum ende myt des wes-
ten amptes zegel van ffywelinge lant, Gege
ven int jaer ons heren MCCCCXXIIII des naesten
sondages na nye jaers dach.
m.a.h.) Uit het Ms. Werumer Zylboek.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	23
Regestnr.	116
Olim	Reg. Feith 1424.8 .
Jahr	1424
Datumcode	DpCirDom

x

x

Material	papier