De gemene zijlrechters in het Vierendeel, Enna Allema, broeder Hayke, keldermeester van het klooster Ten Boer, broeder Lyuda, broeder Frederic, Tateka in de Werum, Albert Roggens en anderen doen uitspraak in het geschil tussen broeder Hylka, keldermeester van het klooster Sint-Annen, enerzijds en Liowert van Bedum en zijn broer Meye van Scharmer anderzijds, over dijklasten, liggend op het land tussen Rebbenmaer en Liowerdemaer.

Wy ghemene zijlrechters nu ter tijt inden veerndeel alze Enna Allema, broeder Hayke kelner toe Buer, broeder Lyuda, broeder
Frederic Tateka inde Werum, Albert Roggens ende anders mede rechters bekennen ende tughen mit dessen openen breve dat voir ons
qwam broeder Hijlka kelner toe Lutteke Adewert ende clagede onder onsen rechte op dat land dat ghelegen is tusschen Rebben maer
ende Howerde maer ende meende mit rechte dat voirscreven land daer toe to brengen dat et solde wesen dijckvastich na groitheyt
des landes ghelijc des kelners land toe Luttike Adewert voirscreven Also dat Howert toe Bedum ende Meye to Schermer zijn
broeder qwemen voir ons ende hebben gheantwort ende bewijst mit olden rechters ende mit anderen gueden luden dat de
voirscreven klage alleer gherecht is ende bedomet onder den olden rechters by rade gueder lude in sodanen maneren dat dit
voirscreven land tusschen den voirscreven twen maren sall wesen vry van dyke also lange dat dat land tusschen Buerster
Sydewenden ende Howerde maer ghelijc ende meenliken dyckvastich wort waer omme wy nye rechters voirscreven den selven
doem die ghedomet is vanden olden rechters bevestigen ende bewysen to staen in zijnre vulle macht. In oirkunde so hebben
wy ghemene rechters voirscreven ghebeden den ersamen vader heren Dyurd abbet to Buer ende heren Johan kercheer to Gher
merwolde dessen brieff voir ons to bezegelen. Ende wy broeder Dyurd abbet ende Johannes kercheer voirscreven hebben
onse zegele omme bede wille der ghemene rechtere voirscreven an dessen brieff ghehangen inden jaer onss heren dusent vier
hundertsessende twintich naesten dagis na sante Remigius daghe.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	64
Regestnr.	120
Olim	Losse kloosterstukken, inv.nr. 15, reg. 5. Reg. Feith 1426.12.
Jahr	1426
Datumcode	cRemigi

x

x

Kommentar	Met de zegels van Dyurd, abt te Ten Boer, en Johan, pastoor te Garmerwolde

x

Material	perkament

x