Auko Auteken zwager te Dorkwerd, verkoopt aan abt Ponciaen en het klooster te Selwerd aldaar 2 grazen land met een huis daarop staande, gelegen tussen het kerkhof en het Staddiep.

Ick Auko Auteken toe Forquard doe kondich allen luden die des-
sen brieff sullen sien offt horen lesen dat ick mit consente ende gueden berade
myns echten wives Eben ende onser twier vrenden heb vercoft twie grase lan-
des ende een holten hues dat daer opp staet by Dorqard heer Poncien Abd
toe Selwert ende den gemeenen convente Vor een summe van gelde die my ende
mynen echte wive vull ende all betaelt is Desse twe grase landes vorscreven
sint gelegen by Dorquard tusschen den kerchove ende der stad diep daer dat
Cloester van Selwert by licht op die noertzijde ende zuetzijde welke twie
grase ende huus ick opp heb gedragen ende oppdragen vor my ende mynen erfgenamen
heren Ponicaen Abd toe Selwert ende den gemeenen convente vrij ende quijt
eeweliken toe bruken ende toe besitten ende horen vrijen willen daer mede
toe doene sonder alle argelist In orconde der waerheit want ick Auko vorscr.
selven ghien zegel en heb soe heb ick heren Hinrick onsen kercheer toe Wierum
ende heren Hinrick Wicke kercheer toe Legerkerken gebeden vor my dessen brief
toe bezegelen Ende wy twie heer Hinrick ende heer Hinrick Wicke priesters
hebben om bede wille Auko vorscreven onse zegelen an dessen brief gehangen Ge-
geven in den iaer ons heren Dusent vierhonder ende soeven ende twintich Opp onser
liever vrouwen dach concepcionis.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	20
Fol. Nr.	fol. 030v
Regestnr.	125
Olim	Arch. Klooster Selwerd, inv.nr. 1, reg. 22.
Jahr	1427
Datumcode	ConMar

x

x

Material	perkament