Men Monnama, wedman te Uithuizen, draagt over aan zijn zoon Ebelo te Zandeweer 6 honderd land bij Edzekaheem, in Litkawerp en in Grotawerp.

Ik Men Monnama en wedwa to Uuthusum bekenne openbarlike in desen breff dat ik to ghewyset heb myn zoen Ebelen to
Zandweer kerspelsman in ziin vaders gheld dat ik up ghebord had van ziner weghen, ende wyse hem to ses hundert landes
ende dat in eyne vruntscap de tve ziin gheleghen by Edzekaheem ende tve ligghet in Lickawerp ende de andere tve ziin gheleghen
in de grota werp tusken Tadeken land Hyddama welk land vorscr. draghe ik over vor my ende myn erfghenamen Ebelen vorsecht ende
ziin erffghenamen voer ende verdich to bruken ewlik ende erfflik to horen vryen willen zunder weder spreken myner vrenden of ghe-
man van myner weghen al arch ende list uutgheseghet in Orkunde deser warheet zo heb ik Men hiir voerghescr. ghebeden her
Abeka myn cureet desen breff van my to seghelen went dese zake aldus is gheskeen zo heb ik her Abeka vorsecht myn Seghel an
desen breff spacium doen hangen int iar ons heren M CCCC ende XXXIJ up den zondaghe naest Yacobi. hiir weren over ende an te
tughe ghenomen Sybeka to Oldendorp Rener up Thyardsma huus in der tiid rechters de dese zake to vruntscap hebben ghemaket
so vorghescr. steit mr

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	443
Regestnr.	147
Olim	Arch. Klooster Wijtwerd, inv.nr. 5, reg. 57. Reg. Feith 1432.5.
Jahr	1432
Datumcode	DpJacobi

x

x

Kommentar	Met het zegel van Abeko, pastoor te Uithuizen

x

Material	perkament