Burgemeesters en raad te Groningen verklaren dat Dutmar Rengers verkoopt aan abt Poncien en het klooster te Selwerd 10 grazen land in Paddepoel.

Wy borgemeystere ende Raed in Groeningen bekennen ende tugen myt dessen openen
brieve Dat voer ons is ghecomen Dutmar Rengers ende becande dat hie heft
vercoft opgedragen ende overgeven voer em ende synen erfgenamen heer Pontien in der
tijd abtd ende den convent van Selwert tijn grase landes vry ende quijt myt allen
rechte ende eghendome ewelick toe bruken ende toe besitten ende oren vryen willen daer
mede toe doen Voer een summe geldes die Dutmar vorscr. becande dat em vul ende
al is betaelt van den Abd ende convente vorscr. Desse vorcsr. tijn grase landes synt gelegen
in Paddepoel in twen stucken soe dat die vijf grase daer van liggen anden
Regdijck an dat Westerdiep daer Bruen Clingen erve naest by ligget op die norder zijd
ende Tese Huginge erve op die zuudzijd ende die ander vijf grase vanden vorscr. lande strecken
an die strate daer des convents erve vorscr. naest by licht op die zuudzijd ende op die noert
zijd Dat orkunde wij myt onse stadsegel Ghegeven inden iaer ons heren Dusent vierhon
dert ende twe endertich in onser liever vrouwen avent nativitatis doe Ludof Sicking, Otto Klant
Henrick Kater ende Ludeken Wigboldes borgemeystere weren onser stad.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	20
Fol. Nr.	fol. 036r
Regestnr.	148
Olim	Arch. Klooster Selwerd, inv.nr. 1, reg. 29.
Jahr	1432
Datumcode	vNatMar

x

x

Material	perkament