| Nummer:kla0152 | Datum:13 okt. 1433 | Überlieferung:Afschrift | Fundstelle:Kloosterarch., inv.nr. 2, fol. 41r, reg. 152 |
Burgemeesters en raad te Groningen verklaren dat Mychel Willems koopt van Johan Tedynge een huis en hofstede aan de zuidzijde van de Carolieweg, uit welk huis hij aan Johan een jaarlijkse rente van 8 arnoldusgulden zal betalen.
Wy borgermestere ende raed in Gronyngen bekennen ende tughen myt
desen openen breve dat voer ons is ghecomen Mijchel Willems
sone ende bekende dat he hevet ghekoeft voer em ende voer syne
eerffgenamen van Johanne Tedynge een huys ende stede myt all syn
toe behoeren vrij ende quijt myt allen rechten ende egendomen eerffliken
ende eweliken toe bruken ende toe besytten als dat ghelegen is in de
zuyt zijde van Keerliswech ende Godekens huys van Lemego up ter oester sijt
voer ene summe geldes de Johan vorscr. bekande dat em vul ende all
is betaelt beholden in dessen vorscr. huys ende stede Johanne vorscr. ende synen
Eerffgenamen achte arnoldus arnhemsch gulden renthe als nu up
datum dessen breves gangachtich is offt payment dat daer guet voer
is jaerlix toe boren als stad recht is de Mychel vorscr. ende syn arffgenamen
moghen vrij ende quijt kopen wanners hem genoeget myt twintich
arnhemsen gulden een arnhemsch gulden renthe payments als vorscr.
is dat Orkunde wy myt onsser stad zegele Ghegeven inden iaere
ons heren dusent vierhundert dre en dartich des dinxsdaeges nae sant
gangen dach Doe Bruyn Klinge, Lubbert Lewe, Henrick Kater ende
Ludeken Wigboldes borgermesteren weren onser Stad.
desen openen breve dat voer ons is ghecomen Mijchel Willems
sone ende bekende dat he hevet ghekoeft voer em ende voer syne
eerffgenamen van Johanne Tedynge een huys ende stede myt all syn
toe behoeren vrij ende quijt myt allen rechten ende egendomen eerffliken
ende eweliken toe bruken ende toe besytten als dat ghelegen is in de
zuyt zijde van Keerliswech ende Godekens huys van Lemego up ter oester sijt
voer ene summe geldes de Johan vorscr. bekande dat em vul ende all
is betaelt beholden in dessen vorscr. huys ende stede Johanne vorscr. ende synen
Eerffgenamen achte arnoldus arnhemsch gulden renthe als nu up
datum dessen breves gangachtich is offt payment dat daer guet voer
is jaerlix toe boren als stad recht is de Mychel vorscr. ende syn arffgenamen
moghen vrij ende quijt kopen wanners hem genoeget myt twintich
arnhemsen gulden een arnhemsch gulden renthe payments als vorscr.
is dat Orkunde wy myt onsser stad zegele Ghegeven inden iaere
ons heren dusent vierhundert dre en dartich des dinxsdaeges nae sant
gangen dach Doe Bruyn Klinge, Lubbert Lewe, Henrick Kater ende
Ludeken Wigboldes borgermesteren weren onser Stad.
x
| Archiv | Groninger Archieven |
|---|---|
| Bestand | Kloosterarch. |
| Zugangsnummer | 172 |
| Inventarnr. | 2 |
| Fol. Nr. | fol. 41r |
| Regestnr. | 152 |
| Olim | Losse kloosterstukken, inv.nr. 1, reg. 10. |
| Jahr | 1433 |
| Datumcode | MpSantga |