Lambert Blomynghe verkoopt aan Serges, pastoor te Borger, een stede, geheten Clokerynghe en gelegen bij de brink tussen het voetpad en de stede, geheten Stitlynghe, van welke verkoop stoklegging geschied is.

Ic Lambert Blomynghe bekenne ende betughe myt dessen openen breve dat ic hebbe verkoft ende verkope stedes
vastes copes erflike ende ewelike ende ummermeer sunder ergelist uutghesproken heren Serges cureyt toe Borger
ene stede de gheleghen is by den bryncken de gheheten is Clokerynghe daer by der enre syde licht bure voetpat
ende by der ander syde ende [sic] stede de gheheten is Stitlynghe de ic Lambert Blomynghe heren Serges hebbe lovet toe
waren voer alle ansprake ende voer alle hynder ende vry to waren uutghesproken den smalen tenden. Ende hyr heb-
ben overgheweset als dedynghes lude Reyner Herynghe ende Johan Tedynghe ende over dat stoclegghen als een
lantrecht is daer heft over ghewesen Ludiken Hilboldyghe, [sic] Reyner Herynghe ende Johan Tedynghe ende als
als [sic] wyncopes lude Johan Husynghe, Johan Prandynghe ende anders goder lude ghenoech. Ende ic Lambert Blomynghe,
Wolter Luskynghe ende Johan Luskynghe, want ons desse koep mede belevet heft, soe hebbe wy eendractelyke
ghebeden Fredrick Tebynghe dessen breef voer ons to besegelen omme merre westenysse. Ende ic Fredrick Tebynghe
umme bede wille ende umme merre vestynghe desser dreen gode mans soe hebbe ic mijn segel beneden an dessen breef
ghehanghen. Ghegheven int iaer ons heren dusent vyerhondert ende vyerendedertich up meydach.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	106
Regestnr.	155
Olim	Arch. Klooster Essen, inv.nr. 2, reg. 24. Reg. Feith 1434.19.
Jahr	1434
Datumcode	Mei

x

x

Kommentar	Met het zegel van Frederick Tebynghe

x

Material	perkament

x