Henrick, Roeleff en Ludeken Schulting, gebroeders, en Lutgart Schultinge, hun moeder, treffen met abt Poncien en het klooster te Selwerd een overeenkomst, betreffende het land bij het Moerthues en alle goederen die door wijlen Johan Gerberda aan het klooster zijn gegeven.

Henrick Roeleff ende Ludeken Schulting ghebroeders
unde Lutgart Schultinge oer moeder Doen condich allen luden unde bekennen
mit dessen openen brieve Dat wij vrentliken unde wal synt verlijket
mit den eersamen heren Pontien Abd unde mit den convente des cloesters
van Selwert van sunte Benedictus orde des Stichtes van Munster unde
syn vrentliken van hem ghescheiden van aller schelinge die wij mitten
Abdte unde convente vorscr. vor desse dage datum desses breves gehat hebben
roerende van den lande bij den Moerthuse unde van den alyngen guede
dat wij vortijdes saligen heer Gerberda Iohan Gerberda den cloester vorscr.
hevet gegeven waer unde waer an dat geleghen is Soe dat wij vor ons
unde vor onse erfgenamen daer vertichnisse van ghedaen hebben mit vrijen
willen opp die beste fforme als wij dat doen mochten to des cloesters beho-
eff unde hebben dat overgegeven unde toe gude gescholden gheven over
unde schelden to guede Den Abdte unde convente vorscr. unde ore nakomelinge
ore stede vrij unde quijt eweliken to bruken unde to besitten vor ons unde
onsen erffgenamen mit allen rechte unde egendoeme unde hebben geloevet unde loe
ven in dessen selven breve vor ons unde onsen erffgenamen nummer in yenigen
tocomendem tijden to spreken op dat vorscr. unde gued unde land noch opp ten
Abd unde convente vorscr. noch oren nacomelingen van des guedes unde lan-
des wegen noch ansprake an to nemen van yemande roerende van
lande unde guede vorscr. opp dat cloester noch convent vorscr. in gheenre
leie wijs al argelist unde nye vonde die hijr moghen hinderen uutghe-
seghtt In orconde unde kentnisse desser punten hebben wij Hinrick Roeleff unde
Ludeken Schulting gebroeders vorscr. gebeden vor ons unde van weghen onser
moeder vorscr. die eerbare manne Heren meister Johan Jacobi cureet
toe sancte Marten in Groningen Ludekyn Wigboldes unde Evert Iarichs dessen
breeff over ons to bezegelen unde wij Johannes Jacobi Ludeken unde Evert vorgenoemd
hebben onse zegele an dessen breeff gehangen Om bede wille Hinricks Roeleves
unde Ludekyns vorscr. gegeven Inden Jaer ons heren Dusent veerhondert Soeven unde dertich Des sa-
terdaghes In der paesch weke.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	20
Fol. Nr.	fol. 110v
Regestnr.	169
Olim	Arch. Klooster Selwerd, inv.nr. 1, reg. 42.
Jahr	1437
Datumcode	SpPasche

x

x

Material	perkament