Johan ten Hove, ambtman van Selwerd, verklaart dat Berneer, Johan Ludekijns zoon te Helpman, een landruil aangaat met Otto Klant, waarbij zijn landen, gelegen in Helper- en Dilgterhamrik bij stoklegging zijn overgedragen.

Ick Johan ten Hove Amptman des gherichtes van Zelwert doe kundich allen luden ende betughe mit dessen
openen breve dat voir my ghekomen is Berneer, Johan Lude-kijns zoen toe Helpman ende bekande dat he heft ver-
wisselt ende droech op ende gaf over voir em ende voir zyne erfgenamen POtten Klant ende zynen erfgenamen alle dat land
dat Berneer voirscreven hadde in Helpmer ende in Dillich-ter hemerke tusschen den esch ende Potter Woltman dyck
vrij ende qwijt mit allen rechte ende eghendoem erfliken ende eweliken te bruken ende te besitten ende heft Otten
voirscreven den stock daer van gheleght voir die bure van Helpman alze bynamen voir Johan Ludekyns zone
zinen brueder Johan dien Kremer, Durk Kremer ende voir Albert Dreyer ende heft daer uplatinge van ghe-
daen als lantrecht is inden gherichte van zelwert voir die buren voirscreven als die selven buren voir mij bekant
hebben voir twe grase landes in Helpmer Ooster hammerke die Otto bernier daer an ghegheven heft
ende voir een summe gheldis die Bernier voirscreven bekan-de dat em vul ende al is betaelt van Otten voirscreven
toede twe grase landes voirscreven. Beholden Berneer voirscreven erfliken zine bure marck in Helpmer hemmerke
voirscreven. In oirkonde heb ick Johan ten Hove Amptman voirscreven myn zeghel an dessen brief ghehangen.
Ghegeven inden jaer onss heren dusent vierhondert sevenen-dedertich des maendages nae Allerhillighen daghe.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	432
Regestnr.	174
Olim	Arch. Klooster Essen, inv.nr. 4, reg. 27. Reg. Feith 1437.13.
Jahr	1437
Datumcode	LpOmnSan

x

x

Kommentar	Met het zegel van Johan ten Hove

x

Material	perkament