Otto Duyswolt, Henrick de Lunsche en de kinderen van diens broer verkopen en leveren bij stoklegging aan het klooster te Essen Duyswoldesguet bij de Hondeberch in de marken van Dilgt en Helpman.

Ick Otto Duyswolt ende Henrick de Lunsche ende mijns broders kindere bekennen ende betughen mit desen openen
breve voer ons ende onse erffgenamen dat wij hebben vercofft ende overghegeven mit vryen willen den convente to
Essen al alsodaen lant als wij liggende hebben by der Hondeberch in Dillichter ende in Helpmer marken ghehe-
ten Duyswoldes guet oeck waert daer ghelegen is ewelikento bruken, to besitten ende oeren vryen willen daer
mede to doen voer een summe gheldes die ons vul ende al betaelt is. Ende ick Henrick voerscreven hebbe van Otten voerscreven
ende mijns broders kinder weghene den convente voerscreven den stock ghelecht ende uplatinge ghedaen voer gueden
mannen buren to Dillichte ende to Helpman als Bertolt Hinckens, Johan Ludikens to Helpman, Egbert Hoytekens
ende Dirck Kremer to Helpman ende ander bure genoech. Ende wij Otto ende Henrick ende myns broders kindere voerscreven
hebben den convente voerscreven dit voerscreven lant lovet te waren voer alle ansprake voer alle de ghene die des to rechte
comen willen, sonder arghelist. In orkunde der waerheyt, soe heb ick Otto Duyswolt voerscreven voer my ende myne
erffgenamen myn seghel an desen breeff ghehangen. Ende want ick Henrick op dese tijt selven gheen seghel en bruke
soe heb ick ghebeden Johanne ten Hove amptman in der tijt des gherichtes van Zelewert desen breeff voer my ende
myns broders kindere te beseghelen. Ende ic Johan amptman voerscreven hebbe mijn seghel omme bede willen Henricks
voerscreven an desen breeff ghehangen inden jaer onss heren dusent vierhundert acht ende derticht op sunte Vitus avent.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	123
Regestnr.	180
Olim	Arch. Klooster Essen, inv.nr. 4, reg. 29. Reg. Feith 1438.9.
Jahr	1438
Datumcode	vViti

x

x

Kommentar	2 zegels sur double queue. 1. 2.

x

Material	perkament

x