Johan van Rede gaat een landruil aan met Johannes van der Marke, waarbij Johan overdraagt en levert door stoklegging enige landen in Dilgterhamrik tegen 1/2 akker land te Westerbroek ('Broke') en een som gelds.

Ick Johan van Rede bekenne ende betughe mit dessen openen breve voer my ende voer myne erffgenamen dat ick hebbe verwisselt
ende overghegeven Johanne van der Marke ende synen erffge-namen all alsodane erve ende lant als ick ende mijn moder ende mijn
broder liggende hebben in Dillichter Hammerike tusschen der scheidinge van Potterwoltmer dijck ende den essch vrij
vrij [sic] ende quijt erffliken ende eweliken to bruken to besitten ende oren vryen willen daer mede te doen voer enen halven acker
landes de ghelegen is to Broke den ik daer anghenomen hebbe ende voer een summe gheldes die my vul ende al betaelt is
van welken lande voerscreven ick Johanne vander Marke den stock hebbe ghelecht als lantrecht is daer an ende over weren Johan
Ludikens, Bertolt Hinckens ende sijn soen, Durck Kremer ende Johan Hinckens to Dillichte. Ende dat voerscreven lant heb ick Johanne van
der Merke ende synen erffgenamen ghelovet to waren voer mijn moder ende mijnen broder voerscreven ende mijne erffgenamen. All; arghelist hijr ynne
uutghesproken. In orkunde der waerheyt soe heb ick Johan van Rede voerscreven ghebeden den Eerbaren Johan ten Hove Schul-
ten des gherichtes van Zelewert desen breeff over mij te beseghelen. Ende ick Johan ten Hove voerscreven hebbe mijn segel
om bede willen Johans van Rede voerscreven an desen breeff ghehangen. Ghegeven in denj jaer onss heren dusent vierhondert ne-
ghen ende dertich des wondesdaghes nae onser liever vrou-wen daghe to Lichtmisse.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	433
Regestnr.	183
Olim	Arch. Klooster Essen, inv.nr. 4, reg. 31.
Jahr	1439
Datumcode	EpPurMar

x

x

Kommentar	Met het zegel van Johan ten Hove, ambtman van Selwerd

x

Material	perkament