Deetmer Rengghers, proost te Farmsum, Focko Schultama, Boleko te Delfzijl, Wibeko Schroder te Appingedam en Herko te Wirdum ('Wierdum'), scheppers en de gemene zijlrechters van Dorpsterzijlvest, doen in hoogste instantie uitspraak in het geschil tussen Aldert te Oosterwierum c.s. en de gemene broeders van de commanderij Oosterwierum inzake de waterstaatslasten over de landerijen van de commanderij in het Oterdumerzijlvest.

Deetmer Rengghers provest to Fermissum Focko Schultama Boleko to Delfsylen Wibeko Schroder ten Damme Ende Herko to Wierdum scheppers
van Dorpmannesiel to Delfsilen Ende ghemeene siel rechters des syles vorscr. Doen kondich alle den gheenen daer dessen breeffsullen
seen of horen leesen wo in voer tyden een scheelinghe is gheweesen tuschen Aldert to Oesterwerum mit sine meede hulpers up de eene siit
Ende den ghemeenen broders des coventes to Oesterwerum up de ander siit Als van aerbeides weeghen to doen ende schot to gheeven toden
siel to Oterdum daer desse voerghescreeve parten scheelachtich van weeren welke schelinghe de sielrechters to Oeterdum
voer staen eenen doem van ghe deelt hebben welken doem Aldert vorscr. mit sine meede hulpers beroepen hadden in Fermisserster sielfesten
voert so hebben de sielrechters to Fermissum ock een sententie daer van ghe deelt welke sentencie ende doem de broders to Oesterwerum
be ropen hebben an uns scheppers Ende siel rechters vorscr. to Dorpmanne siel Des so hebben wi weeren laten den siel rechters to
Fermissum eens ander werf ende dorde werf voersc. mit breeven bi also hogher peene als wi na uuet wisinghe onser siel breeve kondeghen
mochten dat se solden to antwert komen erren doem to be schermen ende to vor antwerden des se nicht ghe daen hebben Ende
went se to voer smaenisse unses rechtes ne werlde to antwert komen en wolden erren doem to be schermen ende borghe to
setten als em boden was so hebben wi vor myddes be raed der meenen siel rechters der drier silen to Delf silen in der meenen siel-
rechter warve to Delfsilen ghewieset voer een recht dat de broders des convent to Oesterwerum vorscr. sullen voer eer lant arbeiden
dat een iewelic daer na arbeide ende scheete als sich dat na rechte boert gras grases ghelike na den wi anders gheen bewies ghe-
hoert of seen hebben als vorscr. is Ende daer meede needer gheslaghen de sentencie ende doem daer daer de siel rechters to Fermissum
daer van ghe deelt hebben na den se noch neement van er weeghen den doem beschermen ende vor antwerden wolde Ende
swighe to Also dar se of erre erfghenamen en sullen to eweghen daghen ver gheene ansprake hebben van der sake weeghen
vorscr. up dat cloester vorscr. dan gras grases ghelike als vorscr. is Al arghelist uuet ghesecht In Orkonde desser waerheit so
hebben wi Dytmer Ende Focko vorscr. unse segele beneeden an dessen breeff ghehanghen Ende wi Boleko Wibeko ende Herko vorscr.
hebben ghebeeden den eerbaren vromen heeren mester Wilhelmus cureet to Uutwierd her Iohannes Maes kerc here ten Damme
Ende her Iohan kerc here to Wierdum dessen breeff voer ons to besegelen Ende wi Wilhelmus Iohannes Maes ende Iohannes to Wierdum vorscr.
um beede wille Bolekens Wibeko ende Herkens vorscr. hebben onse seghele meede an dessen breeff ghe hanghen Daer ons meene
sielrechters to Dorpmannes siel vorscr. meenlich to desser tiit meede an ghenoghet Datum Int iaer ons heren Mo CCCCo ende XXXIX des
soendages vor sunte Mycheels daghe.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	232
Regestnr.	190
Olim	Arch. Klooster Oosterwierum, inv.nr. 6, reg. 7. Reg. Feith 1439.26.
Jahr	1439
Datumcode	DaMichae

x

x

Kommentar	Met de zegels van Deetmer Rengghers, Focko Schultema, meester Wilhelmus, pastoor te Uitwierde, Johannes Maes, pastoor te Appingedam, en Johannes, pastoor te Wirdum ('Wierdum')

x

Material	perkament